8 ივლისს, კავკასიის უნივერსიტეტის ტექნოლოგიების სკოლამ პროგრამირების შეჯიბრებათა ციკლ „GeOlymp Series 2012”-ის ფინალს უმასპინძლა. ეს არის ყოველწლიური ღონისძიება, რომელსაც ორგანიზებას საინიციატივო ჯგუფი “GeOlymp” უწევს.

„GeOlymp Series” კონკურსში მონაწილეობა საქართველოს ნებისმიერ მოსწავლეს და სტუდენტს შეუძლია. წელს მონაწილეთა რიცხვმა 150-ს გადააჭარბა. ფინალამდე მათ ინტერნეტის საშუალებით 5 რაუნდი გაიარეს, ამ რაუნდების ჯამური შედეგების მიხედვით 20 საუკეთესო მონაწილე შეირჩა.

2012 წლის ფინალში სხვადასხვა უნივერსიტეტის სტუდენტებმა სამი საპრიზო ადგილი მოიპოვეს. გამარჯვებულებს ორგანიზატორებმა სამახსოვრო საჩუქრები გადასცეს.