ყაზახეთის რესპუბლიკის მეცნიერებისა და უმაღლესი განათლების სამინისტროს საინფორმაციო და გამოთვლითი ტექნოლოგიების ინსტიტუტის წარმომადგენლები, კაპალოვა ნურსულუ - ინფორმაციული უსაფრთხოების ლაბორატორიის ხელმძღვანელი, ალღაზი კუნბოლატი (მკვლევარი) და საკამ კაირატი (მკვლევარი) კავკასიის უნივერსიტეტს ესტუმრნენ.
ვიზიტის ფარგლებში, ინფორმაციული ტექნოლოგიების ინსტიტუტის წევრები შეხვდნენ კავკასიის ტექნოლოგიების სკოლის დეკანს შოთა ნიჟარაძეს და კავკასიის უნივერსიტეტის კიბერუსაფრთხოების ცენტრის დირექტორს მაქსიმ იავიჩს.
სტუმრებმა დაათვალიერეს კავკასიის უნივერსიტეტის კამპუსი და ინფრასტრუქტურა, განიხილეს მომავალი ერთობლივი პროექტებისა და ურთიერთთანამშრომლობის საკითხები.
