მიღების წესი

კავკასიის ტექნოლოგიების სკოლის სამაგისტრო პროგრამაზე მიღების წინაპირობას წარმოადგენს:

• საერთო სამაგისტრო გამოცდა - B ტიპის ტესტი
• ტესტირება ინგლისურ ენაში და გასაუბრება (ტესტის ნიმუში და გასაუბრების ფორმატი)

წარმოსადგენი დოკუმენტაცია

• შევსებული online აპლიკაცია (მასთან ერთად სამოტივაციო წერილი, სადაც უნდა აღწეროთ თუ რატომ არის თქვენთვის მნიშვნელოვანი ამ პროგრამაზე სწავლა და როგორ დაგეხმარებათ იგი პროფესიულ ზრდაში, CV და ფოტოსურათი)
• ნოტარიულად დამოწმებული დიპლომის და ნიშნების ფურცელის ასლი ან უმაღლესი სასწავლებლის მიერ გაცემული ცნობა ხარისხის მინიჭების შესახებ
• უცხო ქვეყნის უმაღლესი საგანმანათლებლო დაწესებულების მიერ გაცემულ დიპლომი უნდა იყოს დამოწმებული აპოსტილით განათლების ხარისხის განვითარების ეროვნული ცენტრის მიერ
• უცხო ენაზე შედგენილი დოკუმენტ(ებ)ი უნდა წარმოადგინოთ ქართულად თარგმნილი და დამოწმებული ნოტარიულად
• პირადობის მოწმობის ასლი
• სარეკომენდაციო წერილი
• სამხედრო მიწერის ასლი (ვაჟებისთვის)
• ორი ცალი ფერადი ფოტოსურათი 3X4
• საერთო სამაგისტრო გამოცდის საგამოცდო ბარათი

თარიღები

• საბუთების მიღების ბოლო ვადაა 7 სექტემბერი
• CU გრანტის მოპოვების მსურველთათვის ტესტირება ჩატარდება 12 სექტემბერს
• შერჩეულ კანდიდატებთან გასაუბრება ჩატარდება 16 სექტემბერს

გადახდის პირობები

სწავლის საფასურის გადახდა ხდება სემესტრულად, აღებული კრედიტების შესაბამისად.

მაგისტრატურაში სწავლის დაფინანსება სახელმწიფო გრანტთან ერთად შეგიძლიათ CU გრანტით, რომელიც გულისხმობს 50%-იან დაფინანსებას პროგრამის სრულ ღირებულებაზე.

CU გრანტის მოპოვების ორი შესაძლებლობა არსებობს:

1. თუ ხართ/იქნებით ნებისმიერი უნივერსიტეტის საბაკალავრო პროგრამის კურსდამთავრებული და გაქვთ ბაკალავრიატის ჯამური ქულათა საშუალო შეწონილი (GPA) 3,5 და მეტი
2. თუ საერთო სამაგისტრო გამოცდაზე ნებისმიერი ტიპის ტესტში (A,B,C) დააგროვებთ 90 000 საგრანტო ქულაზე მეტს

იმ შემთხვევაში თუ კავკასიის უნივერსიტეტის კურსდამთავრებულს არ აქვს GPA (3,5 და მეტი), ის მიიღებს სრული პროგრამის 10%-იან დაფინანსებას.