4 ივნისს, 19:00 საათზე, კავკასიის უნივერსიტეტის საკონფერენციო დარბაზში, გაიმართება ფსიქოანალიტიკოსის ოლივიე დუვილის საჯარო ლექცია თემაზე - „ფსიქოანალიტიკური ანთროპოლოგიის საფუძვლები და აქტუალობა“.

ოლივიე დუვილი არის ფსიქოანალიტიკოსი, ანთროპოლოგი, ასწავლის ფსიქოანალიზსა და ფსიქოპათოლოგიას Paris Nanterre-ისა და Université de Paris-ს უნივერსიტეტებში, ფსიქიატრიის განვითარების ასოციაციის საპატიო წევრი, პარიზის ფსიქოანალიტიკური გაერთიანების და ფროიდიანული კვლევის ასოციაციის წევრი (Espace Analytique), ევროპის ფსიქოანალიტიკური გაერთიანების სამეცნიერო კომიტეტის წევრი, საფრანგეთის ანთროპოლოგთა ასოციაციის საპატიო წევრი, ფრანგული საპატიო ლეგიონის ორდენოსანი, ასოციაცია „ქართული ფსიქოანალიტიკური სივრცის“ დამფუძნებელი.

საჯარო ლექცია იმართება „ქართულ ფსიქოანალიტიკურ სივრცესთან“ თანამშრომლობით.

შეხვედრას მოდერაციას გაუწევს კავკასიის უნივერსიტეტის ასოცირებული პროფესორი, „ქართული ფსიქოანალიტიკური სივრცის“ თანადამფუძნებელი შალვა მამინაშვილი.

ლექციაზე დასწრების მსურველებს, გთხოვთ რეგისტრაცია გაიაროთ მითითებულ ბმულზე.