31 ოქტომბერს, კავკასიის უნივერსიტეტში, გაიმართა ახალი Jean Monnet მოდულის პრეზენტაცია (2023-2026) - "ქალთა შესაძლებლობების გაზრდა კიბერუსაფრთხოებაში ევროკავშირის გამოცდილების საფუძველზე - WISEC ACADEMY".

30 ოქტომბერს, წიგნის თარგმნის პროგრამა 2023-ის ფარგლებში დაფინანსებული პროექტის საწყისი (kick-off) შეხვედრა გაიმართა, რომელიც ითვალისწინებს ჯონ მაკკომარკის წიგნის „ევროკავშირის პოლიტიკა“ თარგმნასა და გამოცემას ქართულ ენაზე.  

14 ოქტომბერს, გურჯაანში, USAID-ის ეკონომიკური ზრდის ოფისის დირექტორი მიშელ კოსიელსკი შეხვდა კავკასიის უნივერსიტეტის პრეზიდენტს კახა შენგელიას, ეკონომიკისა და მდგრადი განვითარების მინისტრს ლევან დავითაშვილს, განათლებისა და მეცნიერების მინისტრს გიორგი ამილახვარს და პარლამენტის წევრს დავით სონღულაშვილს.

11-13 ოქტომბერს, ევროკომისიის მიერ დაფინანსებული პროექტის ფარგლებში - „კვლევის პასუხისმგებლობიანად წარმართვა – კვლევის კეთილსინდისიერება და ეთიკა ქართულ უნივერსიტეტებში (ETHICS)“ კავკასიის უნივერსიტეტის თანამშრომლებმა მონაწილეობა მიიღეს ინტენსიური ტრენინგების სერიაში კვლევის ეთიკისა და კეთილსინდისიერების შესახებ.

2023 წლის 9 ნოემბერს, კონკურენტული ინოვაციის ფონდის, CIF-ის მიერ დაფინანსებული პროექტის „სამეწარმეო განათლება, გზა ინოვაციის, თანასწორობისა და ხარისხისკენ ‘ (MES-CIF-1-22) ფარგლებში გაიმართა საწყისი შეხვედრა (Kick-off)  კავკასიის უნივერსიტეტსა და პროექტის პარტნიორ უნივერსიტეტებს შორის. 

6 ოქტომბერს, კავკასიის უნივერსიტეტის ჰუმანიტარულ და სოციალურ მეცნიერებათა სკოლის დეკანი, დავით ნატროშვილი და სკოლის ასისტენტ-პროფესორი, ფსიქოლოგი სოსო დოლიძე ქ. თელავში, იაკობ გოგებაშვილის სახელობის თელავის სახელმწიფო უნივერსიტეტში გამართულ საერთაშორისო კონფერენციაში მონაწილეობდნენ, რომელიც სტუდენტთა ფსიქოლოგიურ კეთილდღეობას და მენტალური ჯანმრთელობის საკითხებს მიეძღვნა.

10 ოქტომბერს, კავკასიის უნივერსიტეტში, ფსიქიკური ჯანმრთელობის მსოფლიო დღესთან დაკავშირებით, საჯარო ლექცია გაიმართა. 

2022 წელს, ერასმუს+ ჟან მონეს აქტივობების კონკურსში, გაიმარჯვა კავკასიის უნივერსიტეტის, კერძოდ, კავკასიის სამართლის სკოლის მოდულმა „სამართლის პროგრამების ევროპეიზაცია საქართველოში“ (Jean Monnet Module: 101084764 — EU-LP-GE).

8 სექტემბერს, 10:00 საათზე, კავკასიის უნივერსიტეტში, მმართველი საბჭოს სხდომაზე, მოსმენილ იქნა ჟან მონეს მოდულის შესრულების ერთი წლის ანგარიში. პრეზენტაცია 2022-2023 სასწავლო წლის საქმიანობასთან დაკავშირებით წარადგინეს პროფესორებმა ეკატერინე ქარდავამ და გურანდა ჭელიძემ.

კავკასიის უნივერსიტეტის მედიის სკოლამ,  განათლების სკოლასთან თანამშრომლობით გაიმარჯვა ჟან მონეს მოდულის კონკურსში სახელწოდებით -„მედიაწიგნიერების ევროპული მოდელების ინტეგრირება ქართულ აკადემიურ სფეროში“. პროექტის ავტორი გახლავთ კავკასიის უნივერსიტეტის ასოცირებული პროფესორი გიორგი ჯოლოგუა.