კავკასიის უნივერსიტეტი აცხადებს 2025 წლის გაზაფხულის სემესტრისთვის Erasmus + ის გაცვლით პროგრამაში მონაწილეობისათვის განაცხადების მიღებას.

Erasmus+ ის გაცვლითი პროგრამა სტუდენტების საერთაშორისო მობილობისთვის ითვალისწინებს მგზავრობის ხარჯის დაფარვას  და გასცემს სტიპენდიებს. სტიპენდიის ოდენობა სტუდენტებისთვის განსაზღვრულია მიმღები ქვეყნისა და უნივერსიტეტის შესაბამისად.

2025 წლის გაზაფხულის სემესტრში, სტუდენტთა მობილობა  დაგეგმილია შემდეგ უნივერსიტეტებში:

1. სოფიას ტექნიკური უნივერსიტეტი, ბულგარეთი

2. ლუდვიგშაფენის უნივერსიტეტი, გერმანია

3. სოპოტის გამოყენებით მეცნიერებათა უნივერსიტეტი, პოლონეთი

*განაცხადის წარმოდგენამდე, გთხოვთ საგნების შესაბამისობასთან დაკავშირებით ინდივიდუალური კონსულტაცია გაიაროთ სკოლის ადმინისტრაციასთან.

კონკურსში მონაწილეობის მისაღებად კავკასიის უნივერსიტეტის აქტიურმა  სტუდენტებმა უნდა წარმოადგინონ შემდეგი  დოკუმენტები ინგლისურ ენაზე:

• პირადობის მოწმობის ან პასპორტის ასლი
• შევსებული სააპლიკაციო ფორმა (იხ.დანართი #1)
• EUROPASS CV
• უცხო ენის ცოდნის დამადასტურებელი საერთაშორისო სერტიფიკატი (IELTS – 6.0; TOEFL- 78)
• ნიშნების ფურცელი (ოთახი A2);
• სტუდენტის აქტიური სტატუსის დამადასტურებელი ცნობა (ოთახი A2);
• 1 სამოტივაციო წერილი;
• 1 სარეკომენდაციო წერილი ფაკულტეტიდან (რეკომენდაციის წერილი არ უნდა იყოს ენის ლექტორის მიერ გაცემული)

Erasmus+ ის გაცვლით პროგრამაში მონაწილეობა შესაძლებელია:

• საბაკალავრო საფეხურის მეორე კურსის პირველი სემესტრიდან - მეოთხე კურსის პირველი სემესტრის ჩათვლით ნებისმიერ პერიოდში (გამონაკლისი დაიშვება მხოლოდ ბიზნესის ადმინისტრირების და ჯანდაცვის მენეჯმენტის სამწლიანი საბაკალავრო პროგრამის დამამთავრებელი სემესტრის სტუდენტებისთვის);
• მაგისტრატურის საფეხურის მეორე კურსის ნებისმიერი სემესტრიდან/ ტრიმესტრიდან სკოლის თანხმობის საფუძველზე.

არ განიხილება იმ სტუდენტთა განაცხადები, რომლებიც:

• არ აკმაყოფილებენ გაცვლით პროგრამაში მონაწილეობისათვის ჩარჩო ხელშეკრულებითა და კავკასიის უნივერსიტეტის საერთაშორისო ურთიერთობების დეპარტამენტის დებულებით დადგენილ მოთხოვნებს;
• წარმოდგენილი განაცხადები იქნება არასრულყოფილი ან დადგენილი მოთხოვნების შეუსაბამო;
• დაგვიანებით ან ეტაპობრივად წარმოდგენილი განაცხადები არ განიხილება.

კანდიდატებმა  განაცხადები უნდა წარმოადგინონ  ელექტრონული ფორმით 2024 წლის 13 ნოემბრის ჩათვლით შემდეგ ელექტრონულ მისამართზე: ir@cu.edu.ge .

გთხოვთ, გაითვალისწინეთ, რომ ინგლისური ენის საერთაშორისო სერტიფიკატის წარმოდგენა სავალდებულოა განაცხადის შემოტანის დედლაინის ამოწურვამდე.

თითოეული სააპლიკაციო დოკუმენტი უნდა იყოს შესაბამისად დასათაურებული. ერთ სტუდენტს განაცხადის გაკეთება შეუძლია მაქსიმუმ სამ უნივერსიტეტზე.

შერჩევის პროცედურა:

• წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია;
• გასაუბრების ეტაპი საკონკურსო კომისიასთან (საჭიროების შემთხვევაში);
• შერჩეული კანდიდატების შესახებ ინფორმაციის / დოკუმენტების მიწოდება მიმღები უნივერსიტეტისათვის;
• სტუდენტების საბოლოო შერჩევა მიმღები უნივერსიტეტის მიერ;
• მიმღებ უნივერსიტეტს უფლება აქვს ნომინირებულ სტუდენტს მოსთხოვოს დამატებით შიდა კონკურსში მონაწილოების მიღება

დამატებითი ინფორმაციისთვის მიმართეთ კავკასიის უნივერსიტეტის საერთაშორისო ურთიერთობების დეპარტამენტს, მეორე სართული, ოთახი B25, ან მოგვწერეთ შემდეგ ელექტრონულ მისამართზე-  ir@cu.edu.ge.