11 ივნისს,15:00 საათზე, კავკასიის უნივერსიტეტს ეწვევა ალექსანდრე ვინიკოვი, საქართველოში ნატოს სამეკავშირეო ოფისის ხელმძღვანელი, რომელიც წარუძღვება ლექციას ნატო-საქართველოს ურთიერთობების შესახებ.

12 ივნისს, 11:00 საათზე, სახელმწიფო მართვის სკოლის (CSG) ჟან მონეს სასწავლო მოდულის ფარგლებში, კავკასიის უნივერსიტეტის საკონფერენციო დარბაზში გაიმართება კონფერენცია - „ევროპული ღირებულებები და იდეოლოგიები“.

15 ივნისს, 14:00 საათზე, კვკასიის უნივერსიტეტის საკონფერენციო დარბაზში გაიმართება CU-ის პრეზიდენტის, კახა შენგელიას და მენეჯმენტის მკვლევრის, პროექტების დირექტორის ასისტენტის, დოქტორ ფრედ კასირიეს ახალი ერთობლივი წიგნის: უმაღლესი განათლების მნიშვნელობის როლის გაძლიერება - ბაზრის პრინციპების მოდელის დანერგვა - პრეზენტაცია.

16 ივნისს, 18:00 საათზე, კავკასიის უნივერსიტეტის საკონფერენციო დარბაზში, (მის: პაატა სააკაძის ქ. 1), დაგეგმილია არასრულწლოვანთა მართლმსაჯულების კოდექსის კომენტარების პირველი სახელმძღვანელოს პრეზენტაცია.

კავკასიის მედიცინის სკოლის ორგანიზებით, 20 ივნისს, 12:00 საათზე, კავკასიის უნივერსიტეტის ბიბლიოთეკაში, გაიმართება საჯარო ლექცია თემაზე - „შაკიკის მკურნალობისა და პრევენციის თანამედროვე მეთოდები“.

2026 წლის 10-12 სექტემბერს მადრიდის კომპლუტენსეს უნივერსიტეტი  და სან დამასოს საეკლესიო უნივერსიტეტი  ივანე ჯავახიშვილის თბილისის სახელმწიფო უნივერსიტეტთან და კავკასიის უნივერსიტეტთან ერთად მასპინძლობს მეორე საერთაშორისო კონფერენციას თემაზე - „ორი იბერია - ევროპის ორი კარიბჭე“.

კავკასიის უნივერსიტეტი (საქართველო), ჯონს ჰოპკინსის უნივერსიტეტის CTL (შედარებითი აზრისა და ლიტერატურის) დეპარტამენტთან თანამშრომლობით, აცხადებს  საერთაშორისო ინტერდისციპლინარულ კონფერენციას: „ავტორიტარიზმი: ნარატივები, კულტურები, განგრძობადობა, რღვევა და ცვლილებები - წარსული და აწმყო“.