კონკურსის მიზანი:

კონკურსის მიზანია სკოლის საბჭოში სტუდენტთა წარმომადგენლის შერჩევა, კანდიდატისათვის დადგენილი მოთხოვნების გათვალისწინებით;

ვაკანტური ადგილი: 

სკოლის საბჭოს წევრი "სტუდენტი"ს სტატუსით

კანდიდატის მიმართ წაყენებული მოთხოვნები: 

აკადემიური მოსწრება, დისციპლინა, სასკოლო და საუნივერსიტეტო აქტივობებსა და ღონისძიებებში ჩართულობის ინტენსივობა და შედეგები, პრიოვნული თვისებები. 

კანდიდატი აუცილებლად უნდა იყოს კავკასიის ტექნოლოგიების სკოლის აქტიური სტატუსის მქონე სტუდენტი;  

• შერჩეული სტუდენტი ხდებასკოლის საბჭოს სრულუფლებიანი წევრი, რომლის უფლებამოსილების ვადა განისაზღვრება 1 (ერთი) აკადემიური წლის ვადით, გარდა იმ შემთხვევისა თუ: 1. სტუდენტს კავკასიის უნივერსიტეტში ამ ვადის გასვლამდე შეუჩერდება ან შეუწყდება სტუდენტის სტატუსი; 2. სტუდენტი რაიმე  გაუთვალისწინებელი მიზეზით,  ვერ ახერხებს საკუთარი მოვალეობის შესრულებას, სკოლა იტოვებს სტუდენტის გადარჩევისა და სხვა სტუდენტის შერჩევის უფლებას შიდა ნორმატიული წესით დადგენილი პირობების შესაბამისად.

სკოლის საბჭო:

სკოლაში სწავლებისა და სამეცნიერო-კვლევითი მუშაობის კოორდინირებისა და წარმართვისთვის იქმნება სკოლის საბჭო უნივერსიტეტის ძირითადი საგანმანათლებლო და სტრუქტურული ერთეულის სახით, რომელიც სკოლის  მართვის ორგანოა. სკოლის საბჭო განიხილავს სკოლის საგანმანათლებლო პროგრამებს; ისმენს ანგარიშებს სკოლაში გაწეული მუშაობის შესახებ აკადემიური წლის ბოლოს; შეიმუშავებს საგანმანათლებლო პროგრამების და სასწავლო მეთოდური მუშაობის შემდგომი სრულყოფის წინადადებებს და სხვა.

სკოლის საბჭოს შემადგენლობაში შედიან:  სკოლის დეკანი, საბაკალავრო/სამაგისტრო საგანმანათლებლო პროგრამის ადმინისტრაციული დირექტორი, პროგრამის ხელმძღვანელი, ინოვაციური ტექნოლოგიების სამცენიერო-ტექნიკური ცენტრის ხელმძღვანელი, ინოვაციური ტექნოლოგიების სამცენიერო-ტექნიკური ცენტრის მიმართულების ხელმძღვანელი, სკოლის აკადემიური თანამდებობის პირები (განსაზღვრული პირობების შესაბამისად) და სტუდენტი.

სკოლის საბჭოს სხდომაზე წევრის მოწვევა განისაზღვრება საბჭოზე განსახილველი საკითხის რელევანტურობის გათვალისწინებით.

განაცხადი: 

ვაკანტური ადგილის დასაკავებლად სტუდენტმა უნდა წარმოადგინოს შემდეგი:

• სამოტივაციო წერილი;
• სასკოლო ან/და საუნივერსიტეტო აქტივობაში, კონფერენციებში მონაწილეობის დასახელება და თარიღი.

ვადა: 

განაცხადის წარდგენის ვადა არის 15 ოქტომბერი. განაცხადის წარდგენა