ურთიერთთანამშრომლობის მემორანდუმი გრიგოლ რობაქიძის სახელობის უნივერსიტეტთან

24 იანვარი 2018

24 იანვარს, კავკასიის უნივერსიტეტსა და გრიგოლ რობაქიძის სახელობის უნივერსიტეტს შორის ურთიერთთანამშრომლობის მემორანდუმი გაფორმდა.

 

მემორანდუმის საფუძველზე მხარეები ხელს შეუწყობენ თანასწორუფლებიანი თანამშრომლობის განვითარებას და უზრუნველყოფენ გამოცდილების ურთიერთგაზიარებას სწავლების მეთოდოლოგიურ საკითხებში; სასწავლო კურსების ურთიერთშეთავაზებას და ამ კურსების ფარგლებში, სტუდენტის მიერ დაგროვილი კრედიტების აღიარებას; განახორციელებენ თანამშრომლობას სადოქტორო საგანმანათლებლო პროგრამების სასწავლო და სამეცნიერო-კვლევითი კომპონენტების შესრულებისათვის.

 

დოკუმენტს ხელი მოაწერეს კავკასიის უნივერსიტეტის პრეზიდენტმა, კახა შენგელიამ და გრიგოლ რობაქიძის სახელობის უნივერსიტეტის რექტორმა, მამუკა თავხელიძემ.