17 მარტს, კავკასიის უნივერსიტეტში საინფორმაციო შეხვედრა გაიმართა. ააიპ „ინსტიტუციური და შესაძლებლობების განვითარების ცენტრი“ ამერიკის შეერთებული შტატების საერთაშორისო სააგენტო, USAID-ის პროექტის „მმართველობა განვითარებისთვის“ (G4G) მხარდაჭერით, აცხადებს კონკურსს პროექტში - „ახალგაზრდების უნარების განვითარება ეფექტიანი დებატებისთვის“ მონაწილეობის მისაღებად. ამ თემის ფარგლებში ჩატარებულ შეხვედრაზე, დეტალურად განიხილეს პროექტის აქტივობები და შესაძლებლობები.

პროექტის მიზანია, სტუდენტების განვითარება და მომზადება ეფექტური დებატებისთვის.

დებატების თემატიკა:

• მიწის რეგისტრაციის სახელმწიფო რეფორმა
• საგზაო მოძრაობის უსაფრთხოების უზრუნველყოფის რეფორმა
• სივრცითი მოწყობისა და მშენებლობის კოდექსი
• სურსათის უვნებლობის სისტემა

სტუდენტები გაივლიან ინტენსიურ ტრენინგებს, მასტერკლასებს, ქოუჩინგ სესიებს, თეორიული ცოდნის მისაღებად და პრაქტიკული უნარების გასავითარებლად.

ტრენინგი ჩატარდება შემდეგ თემებზე:

• მოლაპარაკებების წარმოება
• ბიზნეს კომუნიკაცია
• პრეზენტაციის უნარები
• საჯარო გამოსვლის ტექნიკები
• დროის მართვა და სხვა