კავკასიის უნივერსიტეტის "თანასწორობის კლუბის“ ინიციატივით, კავკასიის უნივერსიტეტის ანბანის ბაღში გაიმართა შეხვედრა თემაზე „შიში, შფოთვა და დეპრესია“, რომელიც მიზნად ისახავს 18-22 წლის ახალგაზრდების ინფორმირებას ფართოდ გავრცელებული მენტალური ჯანმრთელობის პრობლემებზე, მათი იდენტიფიცირების გზებსა და გამოხატულებებზე.
შეხვედრის ფარგლებში სტუდენტებმა სპიკერთან, ნონა ხიდეშელთან ერთად ინტერაქციულ რეჟიმში განიხილეს შემდეგ საკითხები:
- გაეროს ბავშვთა ფონდის მიერ ახალგაზრდების ფსიქიკური ჯანმრთელობის შესახებ ჩატარებული კვლევის შედეგების მოკლე მიმოხილვა;
- თაობაში მომრავლებული მენტალური ჯანმრთელობის პრობლემების გამომწვევი მიზეზები და გარემო ფაქტორები, რომლებიც ახალგაზრდებისთვის ყოველდღიურ სტრესორებს წარმოადგენენ;
- შფოთვისა და დეპრესიის სიმპტომები, გამოვლენის ფორმები, მათ შესახებ გავრცელებული მითები;
- რჩევები საკუთარი ემოციური მდგომარეობის შეფასებისათვის და მარტივი ხრიკები მენტალური ჯანმრთელობის შენარჩუნებისათვის.
