კავკასიის უნივერსიტეტი აცხადებს Erasmus+ ის გაცვლით პროგრამას ადმინისტრაციული პერსონალისთვის ლილის კათოლიკურ უნივერსიტეტში, საფრანგეთი (Lille Catholic University, France) მობილობისთვის.
მობილობის პერიოდი: 21-25 მარტი, 2022.
პარტნიორ უნივერსიტეტში ვიზიტი მოიაზრებს საერთაშორისო კვირეულის პროგრამაში (International Staff Week) მონაწილეობას. საერთაშორისო კვირეულის თემაა: Innovation in teaching- learning& student experience and sustainable development.
Erasmus + ის გაცვლითი პროგრამა ადმინისტრაციული პერსონალის საერთაშორისო მობილობისთვის ითვალისწინებს მგზავრობის ხარჯის დაფარვას და გასცემს სტიპენდიებს. სტიპენდიის ოდენობა განსაზღვრულია Erasmus+ ის სახელმძღვანელოსა და მიმღები ქვეყნის კანონმდებლობის შესაბამისად.
განაცხადების წარმოდგენა შეუძლია:
- კავკასიის უნივერსიტეტის ადმინისტრაციულ თანამდებობაზე დასაქმებულ პერსონალს
კონკურსში მონაწილეობისათვის აუცილებელია ინგლისური ენის ფლობა და შემდეგი დოკუმენტების წარმოდგენა ინგლისურ ენაზე:
- საერთაშორისო პასპორტის ასლი;
- EUROPASS CV
- 1 სამოტივაციო წერილი;
- 1 სარეკომენდაციო წერილი.
არ განიხილება განაცხადები, რომლებიც:
- იქნება არასრულყოფილი ან დადგენილი მოთხოვნების შეუსაბამო;
- იქნება დაგვიანებით ან ეტაპობრივად წარმოდგენილი.
კანდიდატებს განაცხადების წარმოდგენა შეუძლიათ ელექტრონული ფორმით 2022 წლის 23 იანვრის ჩათვლით შემდეგ მისამართზე: ir@cu.edu.ge .
კანდიდატმა ელ-ფოსტის სათაურში უნდა მიუთითოს უნივერსიტეტის დასახელება და თითოეული დოკუმენტი უნდა იყოს შესაბამისად დასათაურებული.
შერჩევის პროცედურა:
- წარმოდგენილ სააპლიკაციო დოკუმენტებს განიხილავს კავკასიის უნივერსიტეტის საკონკურსო კომისია;
- შერჩევის პროცესში უპირატესობა მიენიჭება იმ კანდიდატს, რომელსაც ჯერ არ უსარგებლია Erasmus+ მობილობის პროგრამით;
- საჭიროების შემთხვევაში, შესაძლოა დაინიშნოს გასაუბრება ან ტესტირება ინგლისურ ენაში;
- კომისიის მიერ მოხდება შერჩეული კანდიდატების ნომინირება;
- შერჩეული კანდიდატების შესახებ ინფორმაციის / დოკუმენტების მიწოდება მოხდება მიმღები უნივერსიტეტისათვის;
- ადმინისტრაციული პერსონალის საბოლოო შერჩევა მოხდება ლილის კათოლიური უნივერსიტეტის შესარჩევი კომისიის მიერ;
დამატებითი ინფორმაციისთვის მიმართეთ კავკასიის უნივერსიტეტის საერთაშორისო ურთიერთობებისა და პროექტების დეპარტამენტს, მეორე სართული, ოთახი B25.
გისურვებთ წარმატებას!