11 მარტს, კავკასიის ჰუმანიტარულ და სოციალურ მეცნიერებათა სკოლის ასოცირებული პროფესორის თამარ ლომაძის ინიციატივით, ინგლისური ფილოლოგიის პროგრამის სტუდენტებს შეხვდა მწერალი და მთარგმნელი გიორგი ხარაიშვილი.
შეხვედრის ფარგლებში გიორგი ხარაიშვილი სტუდენტებს ესაუბრა მის ბოლოდროინდელ თარგმანზე-აშერების სახლის დაცემა, ედგარ ალენ პოს მოთხრობა.
მან სტუდენტებთან დეტალურად განიხილა უცხოენოვანი მხატვრული ლიტერატურის ქართულ ენაზე თარგმნის პროცესში წარმოქმნილი სირთულეები და გააცნო მათი გადაჭრის მხატვრული ხერხები.
შეხვედრა ინტერაქციულ რეჟიმში წარიმართა: სტუდენტებს შესაძლებლობა ჰქონდათ, დაესვათ შეკითხვები და მიეღოთ პრაქტიკული რჩევები მთარგმნელისგან.
