მასწავლებლის მომზადების საგანმანათლებლო პროგრამის მოცულობაა 60 ECTS კრედიტი, რომელიც განაწილებულია 2 სემესტრზე. თითოეული სემესტრი მოიცავს 30 ECTS კრედიტს.  

პროგრამის სრული ხანგრძლივობა შეადგენს 1 აკადემიურ წელს.  

პროგრამის ფარგლებში სტუდენტები გაივლიან სასწავლო კურსებს სამი განსხვავებული მოდულიდან:

• პედაგოგიურ-ფსიქოლოგიური მოდული - 30 კრედიტი;
• საგნობრივი მეთოდიკიის მოდული - 20 კრედიტი;
• სასკოლო პრაქტიკის მოდული - 10 კრედიტი. 

პირველივე სემესტრიდან სტუდენტები ჩაერთვებიან სასკოლო პრაქტიკაში და ერთმანეთს დაუკავშირებენ სასწავლო კურსის ფარგლებში მიღებულ თეორიულ ცოდნასა და რეალურ სასკოლო გამოცდილებას.

იხილეთ პროგრამა.

 პროგრამაზე სწავლის უფლება აქვს: 

1) არანაკლებ ბაკალავრის ხარისხის მქონე, ან მასთან გათანაბრებული აკადემიური ხარისხის მქონე პირს, რომელსაც:

ა) დადასტურებული აქვს საგნობრივი კომპეტენცია შეფასებისა და გამოცდების ეროვნული ცენტრის მიერ ორგანიზებული გამოცდით, ან სტუდენტებს, რომლებიც სწავლობენ ეროვნული სასწავლო გეგმით გათვალისწინებული საგნის/საგნების/საგნობრივი ჯგუფის ძირითად სწავლის სფეროში შემავალ ბაკალავრიატის საგანმანათლებლო პროგრამაზე;

ბ) წარმატებით აქვს დაძლეული შიდასაუნივერსიტეტო გამოცდა/გასაუბრება. 

2) სტუდენტებს, რომლებიც სწავლობენ ეროვნული სასწავლო გეგმით გათვალისწინებული საგნის/საგნების/საგნობრივი ჯგუფის ძირითად სწავლის სფეროში შემავალ ბაკალავრიატის საგანმანათლებლო პროგრამაზე.

სალომე ჩიტორელიძე

საგანმანათლებლო პროგრამების ადმინისტრაციული დირექტორი

ტელ: (+995 32) 237 77 77 (235)

მობ: 599 011017
ელ.ფოსტა: schitorelidze@cu.edu.ge