მენიუ

საჯარო მმართველობა

საჯარო მმართველობის საბაკალავრო პროგრამის მიზანია მოამზადოს შესაბამისი ცოდნითა და ღირებულებებით აღჭურვილი საჯარო მმართველობის სპეციალისტი, რომელიც:

 

  • განმარტავს საჯარო ადმინისტრირების თანამედროვე პრინციპებს, თეორიასა და მოდელებს, იაზრებს საჯარო ორგანიზაციებისა და საჯარო სერვისების მნიშვნელობას დემოკრატიულ საზოგადოებაში და აცნობიერებს ციფრული მმართველობისა და  ტექნოლოგიების როლს თანამედროვე საჯარო მმართველობაში.
  • ახორციელებს მმართველობითი პროცესის შესაბამის პრაქტიკულ საქმიანობას საერთაშორისო და ევროპული სტანდარტებისა და კარგი მმართველობის პრინციპების დაცვით.
  • აღჭურვილია საჯარო მმართველობის სფეროსთვის დამახასიათებელი   კვლევითი და კომუნიკაციის უნარებით; პრობლემების გადაჭრისას ითვალისწინებს დემოკრატიულ ღირებულებებს, ადამიანის უფლებებს და პროფესიულ ეთიკას.

საჯარო მმართველობის საბაკალავრო საგანმანათლებლო პროგრამა მოიცავს 180 ECTS კრედიტს, წელიწადში – 60 ECTS კრედიტს, სემესტრში – 30 ECTS კრედიტს. შესაბამისად, საბაკალავრო პროგრამის სტანდარტული ხანგრძლივობა შეადგენს 3 აკადემიურ წელს. სემესტრი მოიცავს სასწავლო კვირათა ერთობლიობას, დამატებითი გამოცდების ჩატარებისა და დამატებით გამოცდებზე სტუდენტის მიღწევის შეფასების პერიოდს. აკადემიური წელი არის სემესტრების ერთობლიობა და მათ შორის დასვენების პერიოდი. 1 ECTS კრედიტი უდრის 25 საათს, რაც მოიცავს როგორც სტუდენტის საკონტაქტო დატვირთვის დროს, ასევე მისი დამოუკიდებელი მუშაობის დროს.  სტუდენტმა მხედველობაში უნდა მიიღოს ის გარემოება, რომ მას არ აქვს უფლება ერთი სასწავლო წლის განმავლობაში აითვისოს 75  ECTS კრედიტზე მეტი.

 

საბაკალავრო საგანმანათლებლო პროგრამის ვადის ამოწურვის შემდეგ, აკადემიური დავალიანების მქონე სტუდენტს უფლება აქვს საგანმანათლებლო პროგრამის დასრულების მიზნით, სწავლა განაგრძოს დამატებითი სემესტრების (არა უმეტეს 4 სემესტრისა) განმავლობაში, სტუდენტის სტატუსის შენარჩუნებით.

 

მოცემული საბაკალავრო საგანმანათლებლო პროგრამის ფარგლებში 180 ECTS კრედიტის შესაძლო განაწილების სქემა:

 

საჯარო მმართველობის საბაკალავრო საგანმანათლებლო პროგრამის 145 ECTS კრედიტი ეთმობა  ძირითადი სწავლის სფეროს შესაბამისი შინაარსის სასწავლო კურსებს. მათ შორის:

 

  • 135 კრედიტი - სავალდებულო საგნები;
  • 10 კრედიტი  - არჩევითი საგნები;

 

საგანმანთლებლო პროგრამის დანარჩენი კრედიტები ეთმობა თავისუფალ კომპონენტს, მათ შორის: 15 კრედიტი - ზოგადსაუნივერსიტეტო სავალდებულო საგნები; 20 კრედიტი - ინგლისური ენა. 10 კრედიტი შესაძლებელია იყოს თავისუფალი კრედიტი, რადგან სტუდენტს საშუალება ეძლევა 10 ECTS კრედიტი აირჩიოს ამავე პროგრამით გათვალისწინებული დარგობრივი არჩევითი მოდულიდან ან თავისუფალი კრედიტი კავკასიის უნივერსიტეტის სხვა საბაკალავრო პროგრამებიდან ან მობილობის ან გაცვლით პროგრამაში მონაწილეობის დროს შესაბამისი კრედიტების აღიარების გზით.

 

 

იხილეთ პროგრამა

  • საჯარო მმართველობის საბაკალავრო საგანმანათლებლო პროგრამაზე სწავლის უფლება აქვს სრული ზოგადი განათლების მქონე პირს. 
  • საბაკალავრო საგანმანათლებლო პროგრამაზე მიღების წინაპირობაა ერთიანი ეროვნული გამოცდები.
  • ერთიანი ეროვნული გამოცდების ჩატარებას უზრუნველყოფს საჯარო სამართლის იურიდიული პირი – გამოცდების ეროვნული ცენტრი. უმაღლეს საგანმანათლებლო დაწესებულებაში ჩარიცხვის ზოგადი წესიდან გამონაკლისი დაიშვება მხოლოდ კანონით დადგენილ შემთხვევაში.

 

ჩასაბარებელი საგნები:

 
ქართული ენა და ლიტერატურა;
უცხო ენა (ინგლისური );
ერთ-ერთი შემდეგი სავალდებულო საგნებიდან (მათემატიკა, ისტორია, გეოგრაფია, სამოქალაქო განათლება).

 

სწავლების საფასური: საქართველოს მოქალაქეებისათვის წელიწადში 6 990 ლარი.

 

ფინანსური შეღავათები სტუდენტებისათვის: უნივერსიტეტში სცავლის პროცესში უნივერსიტეტის შიდა რეგულაციების საფუძველზე გამოვლინდებიან პირველი, მეორე და მესამე ეტაპის რეიტინგული სტუდენტები და რეიტინგში პირველ სამ ადგილას მყოფი სტუდენტი (ყოველ ეტაპზე) შესაბამისად ისარგებლებს 100%, 50% და 30 % ფინანსური შეღავათით.

ეკა აკობია

დეკანი
ტელ: (+995 32) 237 77 77 (250)

მობ: 595 33 33 16
ელ.ფოსტა: eakobia@cu.edu.ge

 

წულუკიძე ნინო

სახელმწიფო მართვის სკოლის  საბაკალავრო პროგრამის ადმინისტრაციული დირექტორი

ტელ: (+995 32) 237 77 77 (271)

მობ: 577 113330

ელ.ფოსტა: ntsulukidze@cu.edu.ge