ციფრული კომუნიკაციისა და მედია-არტის 3-წლიანი საბაკალავრო პროგრამა უნიკალურია, რადგან ის აერთიანებს თანამედროვე ციფრულ მედიასა და შემოქმედებით ხედვას. ამ პროგრამის კურსდამთავრებულებისთვის შესაძლებელია კრეატიული იდეების ციფრულ რეალობად ქცევა. თქვენ ხდებით მულტიპროფილური თეორიული ფუნდამენტისა და კომბინირებული უნარების მქონე კრეატორი, რომელსაც ხელოვნებისა და მედია ტექნოლოგიების სიღრმისეული ცოდნის საფუძველზე შეგიძლიათ ნებისმიერი სფეროსთვის გახდეთ უნიკალური კადრი.
ჩვენი პროგრამა ეფუძნება თეორიული ცოდნისა და პრაქტიკული გამოცდილების სინთეზს, დასავლეთის უნივერსიტეტების სტანდარტებსა და მულტიდისციპლინარულ მიდგომას. აქ სტუდენტები სწავლობენ არა მხოლოდ ციფრული კომუნიკაციისა და მედიახელოვნების საფუძვლებს, არამედ იმასაც, თუ როგორ გამოიყენონ ეს ცოდნა ინოვაციურ და შემოქმედებით პროექტებში, როგორ მართონ სხვადასხვა შინაარსის პროექტი.
3 წლის განმავლობაში თქვენ შეისწავლით - ვიზუალურ და პერფორმატიულ ხელოვნებას, ციფრულ კომუნიკაციასა და მარკეტინგს, ციფრული მედიაპროდუქტის შექმნას; გამოიმუშავებთ კრეატიულ ინდუსტრიებში მუშაობის უნარებს; შეძლებთ მართოთ შემოქმედებითი პროექტები.
პროგრამის დასრულების შემდეგ თქვენ მიიღებთ ციფრული მედიის ბაკალავრის ხარისხს და შეძლებთ წარმატებული კარიერის განვითარებას: კრეატიულ სააგენტოებში; მედიასაშუალებებსა და ციფრულ მედიაპლატფორმებზე; ციფრულ მარკეტინგში; პერფორმატიული ხელოვნების სფეროსა და სოციალურ-კულტურულ პროექტებში; ზოგადად, შეგეძლებათ ნებისმიერი სამთავრობო, ბიზნეს თუ არასამთავრობო სექტორისთვის დაგეგმოთ, შექმნათ და მართოთ მულტიმედიური თუ მარკეტინგული კონტენტი - მათი ციფრული პლატფორმებისთვის გახდეთ კრეატორიც და ამავდროულად, მენეჯერიც.
გახდი ახალი ეპოქის კრეატორი!