საერთაშორისო ურთიერთობებისა და პოლიტიკის ერთობლივი საბაკალავრო პროგრამა ხორციელდება ნიუ-ჯერსი სითი უნივერსიტეტთან (აშშ) თანამშრომლობით. პროგრამის მიზანია:
- სტუდენტებს მისცეს საერთაშორისო ურთიერთობებისა და პოლიტიკის სფეროში კომპლექსური ცოდნა და მოამზადოს როგორც სამაგისტრო სწავლისთვის, ასევე პროფესიული საქმიანობისთვის საჯარო, კერძო და არაკომერციულ სექტორებში.
- აღჭურვოს სტუდენტები მმართველობის, დიპლომატიისა და გლობალური პოლიტიკის თეორიების, პრინციპებისა და პრაქტიკის ფუნდამენტური ცოდნით, რაც მათ საშუალებას მისცემს ახსნან და გააანალიზონ შიდა, რეგიონული და საერთაშორისო პოლიტიკური პროცესები და აქტორები.
- უნივერსიტეტის მისიის შესაბამისად, სტუდენტებს განუვითაროს კვლევითი, ანალიტიკური და პროფესიული კომუნიკაციის უნარები რამდენიმე ენაზე, რაც მათ მისცემს შესაძლებლობას კრიტიკულად შეაფასონ კომპლექსური პოლიტიკის გამოწვევები და ეფექტიანად შეიტანონ საკუთარი წვლილი აკადემიურ, სამთავრობო თუ საერთაშორისო ორგანიზაციულ პროცესებში.
- მოამზადოს კონკურენტული, პრაქტიკაზე ორიენტირებული სპეციალისტები, რომლებსაც გააჩნიათ ფართო შედარებითი ცოდნა და ტრანსფერული უნარები, იცავენ უნივერსალურ დემოკრატიულ ღირებულებებს და პასუხისმგებლობით უწყობენ ხელს კაცობრიობის განვითარებას დიპლომატიის, მმართველობისა და საერთაშორისო ურთიერთობების სფეროში.
პროგრამის სტანდარტული ხანგრძლივობა 3 აკადემიური წელია. პირველ ორ წელს სტუდენტი ატარებს კავკასიის უნივერსიტეტში, ხოლო ბოლო, მესამე წელს სტუდნეტები ისწავლიან ნიუ-ჯერსი სითი უნივერსიტეტში (ნიუ ჯერსი, აშშ). პროგრამის დამთავრების შემდეგ სტუდენტი აიღებს ორ დიპლომს-კავკასიის უნივერსიტეტისა და ნიუ-ჯერსი სითი უნივერსიტეტის დიპლომს.
სწავლების ენა: ინგლისური.