სტუდენტური და ორგანიზაციული ღონისძიებების სამსახურმა კავკასიის უნივერსიტეტის ელჩებთან შეხვედრა გამართა. შეხვედრა მიზნად ისახავდა ელჩების ჩართულობის გაძლიერებას უნივერსიტეტის ღონისძიებებში და მათთან სამომავლო გეგმების განხილვას.
შეხვედრაზე ელჩებს საშუალება ჰქონდათ, გაეზიარებინათ თავიანთი ხედვები და მიეღოთ ინფორმაცია იმ პროექტების შესახებ, რომლებიც მათი აქტიური მონაწილეობით განხორციელდება.
შეხვედრის ფარგლებში, კავკასიის უნივერსიტეტის ელჩებს საზეიმოდ გადაეცათ კავკასიის უნივერსიტეტის ელჩის ჰუდები.
