კავკასიის უნივერსიტეტის სტუდენტური და ორგანიზაციული ღონისძიებების სამსახურის ინიციატივით, 8 ივნისს, CU-ში, ვალერი თელიას სახელობის კავკასიის უნივერსიტეტის ნარდის ჩემპიონატი ჩატარდა.

ჩემპიონატში, კავკასიის უნივერსიტეტის 150-მდე სტუდენტმა და თანამშრომელმა მიიღო მონაწილეობა.

დაძაბული და ემოციური მატჩების შემდეგ, ღირსეული გამარჯვებულები კავკასიის უნივერსიტეტის პრეზიდენტმა კახა შენგელიამ და ვალერი თელიას ოჯახის წევრებმა დააჯილდოვეს.

საპრიზო ადგილები შემდეგნაირად გადანაწილდა:

I ადგილი - ბექა ბერიძე (კავკასიის ტექნოლოგიების სკოლის სტუდენტი)

II ადგილი - ზვიად ძიძიგური

III ადგილი - მიხეილ ბარამიძე

გამარჯვებულ სტუდენტს ფულადი ჯილდო, ჩემპიონატის სახელობითი ნარდი და გარდამავალი თასი გადაეცა.

საპრიზო ადგილზე გასულ სამივე მონაწილეს CU-ის წიგნის მაღაზია „ლიბრარეას“ ვაუჩერები და კავკასიის უნივერსიტეტის ბრენდირებული საჩუქრები გადაეცათ.

ასევე, გამარჯვებულს, ჩვენმა მეგობარმა კომპანია Corners.ge-მ თავისი ვაუჩერი გადასცა.

აღნიშნული ჩემპიონატი პირველად ჩატარდა, თუმცა მომავალში ტრადიციული სახე მიეცემა.

კავკასიის უნივერსიტეტი მხარდაჭერისთვის მადლობას უხდის საქართველოს სპორტული ნარდის ფედერაციას და ღონისძიების პარტნიორს „კოკა კოლა ბოთლერს ჯორჯიას“.