საერთაშორისო სტუდენტებმა უნდა გამოაგზავნონ საჭირო დოკუმენტები (იხილეთ საჭირო დოკუმენტების ჩამონათვალში: როგორ შეიტანოთ განაცხადი.) ელ. ფოსტაზე: Ir@cu.edu.ge

ყველა დოკუმენტის მიღების შემდეგ CU აფასებს სტუდენტის აკადემიურ მოსწრებას და იღებს გადაწყვეტილებას.

გაითვალისწინეთ, რომ სტუდენტებს სჭირდებათ ვიზა, რომ მიიღონ საქართველოში ცხოვრების ნებართვა (ვიზის მიღების შესახებ დამატებითი ინფორმაციისთვის, გთხოვთ, იხილეთ  ბმული). ასევე, სტუდენტს უნდა ჰქონდეს დაზღვევა, რომელიც მოცემულია მათი ქვეყნის სადაზღვევო კომპანიების მიერ. დაზღვევამ უნდა აანაზღაუროს ყველა სამედიცინო მომსახურება და საქართველოში უნდა იყოს მოქმედი.

აკადემიური წელი

კავკასიის უნივერსიტეტის სასწავლო წელი ორი სემესტრისგან შედგება:

შემოდგომის (სექტემბერი-იანვარი) და გაზაფხულის (თებერვალი-ივლისის შუა რიცხვები) სემესტრები.

კრედიტის აღიარება

კავკასიის უნივერსიტეტში სწავლის დროს მოპოვებული კრედიტების გადატანა ხდება  სტუდენტის უნივერსიტეტში. როდესაც სემესტრი სტულდება, სტუდენტის ნიშნების ფურცელი ეგზავნება უნივერსიტეტს.

რეგისტრაცია

სტუდენტს/ პროგრამის კოორდინატორს ეგზავნებათ საგნების ცხრილი რეგისტრაციისათვის, სანამ სემესტრი დაიწყება. ისინი არჩევენ სასურველ საგნებს და აგზავნიან კავკასიის უნივერსიტეტის საერთაშორისო ურთიერთობებისა და პროექტების დეპარტამენტთან მოცემულ ვადაში.

სწავლების ენა

საგნები კავკასიის უნივერსიტეტში ისწავლება ინგლისურ ენაზე.

კურსის დატვირთვა

სტუდენტებს შეუძლიათ მიიღონ მაქსიმუმ 30 ECTS კრედიტი სემესტრის განმავლობაში. კრედიტების მინიმალური რაოდენობის მოთხოვნილება არ არის.

გაცვლითმა სტუდენტებმა პარტნიორი უნივერსიტეტებიდან უნდა წარადგინონ შემდეგი დოკუმენტები ინგლისურ ენაზე შემდეგ ელექტრონულ მისამართზე: ir@cu.edu.ge  

• ოფიციალური ნომინაციის წერილი უნივერსიტეტისგან
• შევსებული CU სააპლიკაციო ფორმა ფორმა
• პროგრამული შესაბამისობის ფორმა (შერჩეული კურსების ჩათვლით)
• ენის ცოდნის დამადასტურებელი სერტიფიკატი, B2 დონე - IELTS (6.0) TOEFL (78)
• ნიშნების ფურცელი
• პასპორტის ასლი
• შევსებული EUROPASS CV ფორმა

 შემოდგომის სემესტრი (სექტემბერი - იანვარი): 20 მაისი

გაზაფხულის სემესტრი (თებერვალი - ივლისის შუა რიცხვები): 20 ოქტომბერი

• შემოთავაზებული საგნები 2025 გაზაფხულის სემესტრი
• შემოთავაზებული საგნები 2024 შემოდგომის სემესტრი

კეთილი იყოს თქვენი მობრძანება 

მას შემდეგ რაც თქვენ კავკასიის უნივერსიტეტში ჩაირიცხებით საერთაშორისო გაცვლითი  სტუდენტის სტატუსით, ეს იმას ნიშნავს რომ საქართველოში მოდიხართ. ამის გათვალისწინებით, აუცილებელია იცოდე რამოდენიმე სასარგებლო ინფორმაციის შესახებ საქართველოში ცხოვრებისა და სწავლის შესახებ.

ფაქტები საქართველოს შესახებ:

დედაქალაქი - თბილისი

მთავრობა - საპარლამენტო რესპუბლიკა

ვალუტა - ქართული ლარი (GEL)

ფართობი - 69,700 კმ²

მოსახლეობა - 4,677,401

ოფიციალური ენა - ქართული

რელიგია - მართლმადიდებლური 83.9%, კათოლიკური 1.2%, მუსლიმი 9,9%, სხვა 0.8%, არცერთი 0.7%.

ქვეყნის კოდი - +995

დროის ზონა - UTC +4

საქართველო მდებარეობს სტრატეგიულად მნიშვნელოვან გზაჯვარედინზე, სადაც ევროპა ხვდება აზიას. საქართველოს აქვს უნიკალური და უძველესი კულტურული მემკვიდრეობა და ცნობილია სტუმართმოყვარეობითა და გასტრონომიული ტრადიციებით. საქართველო წარმოადგენს პეიზაჟებისა და კლიმატების ღირსშესანიშნავ ნაზავს, მაღალმთიანი მწვერვალებიდან დაწყებული, მევენახეობის ხეობებსა და შავი ზღვის აყვავებული კურორტებით დამთავრებული. საქართველო არის განვითარებადი, მაგრამ სწრაფად გაუმჯობესებადი ქვეყანა, როგორც დანაშაულის, ასევე კორუფციის ძალიან დაბალი დონით. დედაქალაქი და უდიდესი ქალაქი, არის თბილისი. თბილისი ცნობილია თავისი ძველი ქალაქის მრავალფეროვანი არქიტექტურითა და ლაბირინთის მსგავსი ქვაფენილი ქუჩებით. 

საერთაშორისო სტუდენტთა სახელმძღვანელო.

2024-2025 წლის სასწავლო კალენდარი

გაცვლითი სტუდენტების შეფასების სისტემა 

კავკასიის უნივერსიტეტის გაცვლითი სტუდენტებისთვის შეფასების სისტემა იყოფა ორ ნაწილად - შუალედური შეფასება და საბოლოო შეფასება.

ერთი კურსის საერთო ქულა არის 100. 100 ქულა იყოფა ორ ნაწილად:

შუალედური შეფასება –70 ქულა

საბოლოო შეფასება - 30 ქულა  

შუალედური შეფასება არის 70 ქულა (რომელშიც შედის - შუალედური გამოცდა, პრეზენტაციები, ტესტები, ჯგუფური სამუშაო და ა.შ.) შუალედური შეფასება ხორციელდება საბოლოო გამოცდის დაწყებამდე).

საბოლოო შეფასება არის 30 ქულა (რომელშიც შედის დასკვნითი გამოცდა). 

სტუდენტებმა უნდა გადალახონ 51% -იანი ბარიერი ორივე ნაწილში:

შუალედური შეფასება - 70 ქულიდან 51% (35.7ქულა)

საბოლოო შეფასება - 30 ქულიდან 51% (15.3 ქულა)

იმისათვის, რომ სტუდენტი დაშვებული იყოს დასკვნით გამოცდაზე, სავალდებულოა შუალედური შეფასების 70 ქულიდან 51% დაგროვება.

იმისათვის, რომ სტუდენტებმა ჩააბარონ საბოლოო გამოცდა და მოიპოვონ ECTS, სავალდებულოა დასკვნით გამოცდაში 30 ქულიდან 51%-ის დაგროვება.

შენიშვნა: თუ სტუდენტს არ შეუძლია დააგროვოს მინიმალური ქულა დასკვნით გამოცდაზე და დაგროვებული აქვს საერთო მინიმალური ქულა, 41, შუალედური შეფასების პერიოდში (შუალედური გამოცდა, პრეზენტაციები, გამოცდები, ჯგუფური სამუშაოები და ა.შ.). შეუძლია ფინალური გამოცდის გადაბარება მხოლოდ ერთხელ.

ჟერარდო ისრაელ პადია ვილარეალი - CETYS უნივერსიტეტი, მექსიკა (ორმხრივი/ბილატერალური გაცვლა)

გაცვლით პროგრამაში მონაწილეობს დროს მქონდა მრავალი ქვეყნისა და უნივერსიტეტის შერჩევის შესაძლებლობა, საბოლოოდ, შევარჩიე საქართველო და კავკასიის უნივერსიტეტი, რადგან ეს გასაოცარი შესაძლებლობაა ახალი ქვეყნისა და საკუთარი თავის აღმოჩენისთვის. ქვეყანა არის კულტურის, გასტრონომიის, ბუნებისა და არქიტექტურის ფარული ძვირფასი ქვა, რომელსაც მხოლოდ რამდენიმე ადამიანი აღმოაჩენს, მაგრამ ისინი, ვისაც ამ გამოცდილების მიღების შანსი აქვს, არასოდეს ნანობს თავის გადაწყვეტილებას. გარდა ამისა, უსაფრთხო ქვეყანაა, სადაც სასიამოვნო ამინდი და პეიზაჟების მრავალფეროვნებაა, რომელიც გამოქვაბულებიდან და ძველი ქალაქებიდან გადადის მთებსა და მდინარეებზე. ხალხი თბილი და სტუმართომოყვარეა, ისინი მხარს დაგიჭერენ ადაპტაციისა და სწავლის პროცესში. საქართველოში არსებულ საერთაშორისო ორგანიზაციებთან და ბიზნესმენებთან კონტაქტი ძალიან ადვილია, ამიტომ თქვენი აკადემიური სწავლება ასევე შეიძლება განვითარდეს პროფესიულ გარემოში დამატებითი პრაქტიკული გამოცდილებით.

კავკასიის უნივერსიტეტს აქვს ძალიან ლამაზი კამპუსი, ქართულ ტრადიციულ მონასტრების სტილით, თანამედროვე აუდიტორიებითა და საერთო სივრცეებით. უნივერსიტეტს აქვს აკადემიური სისტემა, რომელიც საშუალებას გაძლევთ მარტივად ისწავლოთ და ურთიერთობა გქონდეთ თქვენს პროფესორებთან და თანაკლასელებთან. აკადემიკოსები პროფესიონალები არიან, აქვთ გამოცდილება, ქართული დიპლომატიის ყოფილი წარმომადგენლებიდან - აღმასრულებელი ხელისუფლების წარმომადგენლებამდე, რომლებიც  არიან დაკავებულნი ქართულ ბიზნესში შერწყმასა და შესყიდვებში. ლექციები საინტერესოა, მასალა შესაბამისი და განახლებული, საგანმანათლებლო შედეგები ინტეგრალურია: თქვენ მიიღებთ გამოცდილებას აკადემიურ და პროფესიულ წერაში, ზეპირ პრეზენტაციებსა და კრიტიკულ აზროვნებაში. ამის გარდა, ადმინისტრაციული გუნდი ძალიან მეგობრული და ღიაა იმისთვის, რომ დაგეხმაროს თქვენთვის საჭირო საქმეში.

ძალიან ვამაყობ, რომ CU იყო ჩემი პირველი არჩევანი, ახლა კი, როდესაც აქ ვარ, ვიღებ გამოცდილებას, ნამდვილად შემიძლია ვურჩიო ნებისმიერ სტუდენტს კავკასიის უნივერსიტეტი, ვისაც თავისი კომფორტის ზონიდან გამოსვლა და საკუთარ ქვეყანაში პროფესიონალური და პიროვნული ზრდით დაბრუნება სურს. როგორც უნივერსიტეტის, ასევე ქართველი ხალხისგან სწავლა ჩემი ცხოვრების ერთ-ერთი ყველაზე მნიშვნელოვანი გამოცდილება იყო და ეჭვი არ მეპარება, რომ ასეთი გამოცდილება ყველას გააოცებს.

ლილი რუტკეი – კორვინუსის უნივერსიტეტი ბუდაპეშტში, უნგრეთი (Bilateral Exchange)

მე მქვია ლილი რუტკეი და ვარ უნგრეთიდან, ბუდაპეშტიდან. მე ავირჩიე თბილისი, რადგან მინდოდა უზარმაზარი განსხვავება და დიდი თავგადასავალი ჩემს ცხოვრებაში. ვფიქრობ, რომ ეს ოცნება ახდა.

თბილისში ცხოვრება ძალიან კარგი გამოცდილებაა, რადგან ეს ქალაქი ძალიან განსხვავებულია სხვებთან შედარებით, სადაც მე აქამდე ვიყავი. ეს არის თანამედროვეს და ძველის და ასევე აზიისა და ევროპის ნაზავი. ეს არის უნიკალური ქალაქი, სადაც ცხოვრება ყოველთვის მიედინება და ვითარდება. ღამის ცხოვრება საკმაოდ ცნობილი და არაჩვეულებრივია თბილისში და გასაოცარია ქართული საკვებიც. ამ მხატვრულ, ალტერნატიულ და ხმაურიან ქალაქში ყოველთვის შეგიძლიათ თავი რამით გაირთოთ.

ქართველი ხალხი ძალიან კეთილი და დიდსულოვანია, თუ ქართულად ან რუსულად არ ლაპარაკობთ, არ შეგეშინდეთ, რადგან ისინი ყოველთვის ცდილობენ გაიგონ და დაეხმარონ უცხოელ სტუმრებს. ამას ყველგან გადააწყდები, ქალაქში, ქალაქგარეთ და საზოგადოებრივ ტრანსპორტში. ყოველთვის ავტობუსით ვმგზავრობ შემდეგი მიზეზების გამო: საზოგადოებრივი ტრანსპორტი ძალიან იაფია, თან ამ გზით, შემიძლია ვიცხოვრო ქართული ცხოვრების წესით და ეს ფაქტი ძალიან მომწონს. ავტობუსში ხალხი კეთილია, ისინი საუბრობენ და ეხმარებიან ერთმანეთს. თუ ვინმეს რამე მძიმე ნივთი აქვს, მოხუცი ქალბატონები, რომლებიც სხედან, ამ ნივთს უბრალოდ ფეხებზე დაიდებენ.

რაც შეეხება ფასებს, თბილისი გაცილებით იაფია ვიდრე უნგრეთი. დასავლეთ ევროპაზე ლაპარაკიც არაა. აქ სტუდენტობა ძალიან მხიარულია.

კავკასიის უნივერსიტეტს მხოლოდ ერთი კამპუსი აქვს, რომელიც თბილისის ცენტრიდან 20 წუთის სავალზე მდებარეობს. კამპუსი პატარაა, მაგრამ ძალიან თანამედროვე. მიყვარს ჩემი დროის კამპუსში გატარება, მეგობრული გარემოა, თან ძალიან მიყვარს იქ ყავის მაღაზია. სამაგისტრო პროგრამაზე ვარ, ბიზნესის და სახელმწიფო მართვის სკოლაში, სადაც ვსწავლობ საერთაშორისო ურთიერთობების საგნებს. ჩემი საყვარელი ლექტორი აშშ – დან არის, ის ასწავლის აშშ – ის საგარეო პოლიტიკას. ვფიქრობ, რომ თუკი ვინმეს აქვს შესაძლებლობა, აუცილებლად უნდა დარეგისტრირდეს მის საგანზე. უნივერსიტეტისთვის მჭიდრო გრაფიკი აქვს და სემესტრის განმავლობაში, უამრავი ტესტი, გამოკითხვა, გამოცდა და პრეზენტაციაა. ვფიქრობ, გაცვლითი პროგრამის საუკეთესო რამ არის, კიდევ ერთი ქვეყნის და კულტურის გაცნობა, ამიტომ მიყვარს მოგზაურობა საქართველოს გარშემო, რადგან ქალაქგარეთ ტერიტორია წარმოუდგენელია. ამიტომ ყველას ვურჩევდი, გაზაფხულის სემესტრი საქართველოში გაატარონ, სემესტრის დასრულების შემდეგ გარკვეული დრო, ქვეყნის შესწავლას დაუთმონ.

ტერეზა მარცისზი– კრაკოვის ეკონომიკის უნივერსიტეტი (Bilateral Exchange)

გამარჯობა, მე მქვია ტერეზა და ვარ პოლონეთიდან. გაცვლითი პროგრამის სტუდენტობა თავგადასავალია. თქვენ არასოდეს იცით, როგორ დასრულდება ყველაფერი. CU-ში ყოფნიდან ერთი თვის თავზე, შემიძლია ვთქვა, რომ ძალიან მომწონს კამპუსი და ის ფაქტი, რომ ყველაფერი ერთ შენობაშია. ასევე, ყველა სტუდენტი ძალიან მეგობრული და კეთილია! შესანიშნავია ასეთი ხალხის გარემოცვაში ყოფნა. სწავლის პროცესი არის ინტენსიური, დიდი რაოდენობით ტესტები, მაგრამ თქვენ ამას გაუმკლავდებით, უბრალოდ საჭიროა სისტემატურად იმუშაოთ. რაც აქ ვისწავლე არის ის, რომ ყველაფრისთვის გაქვს დრო, არ უნდა იჩქარო. ყველაზე მეტად აქ მომწონს ის, თუ რამდენად ღიაა ქართველი ხალხი. წარმოუდგენელია, აქ მარტო არასდროს იგძნობ თავს.

მაიკე სტეინჰოფი - ჰანზეს გამოყენებით მეცნიერებათა უნივერსიტეტი, გერმანია (Bilateral Exchange)

თბილისში ცხოვრება არის გამოცდილება, რომელიც ნამდვილად არ უნდა გამოტოვოთ. ისტორიული ძველი ქალაქიდან ახალ ნაწილამდე და ახალ სავაჭრო ცენტრებამდე, თბილისი ბევრ რამეს გთავაზობთ. მიუხედავად იმისა, რომ არსებობს ენის ბარიერი, ყველა ცდილობს დაგეხმაროს. პირველი რაც ქართველების შესახებ შევიტყვე, არის სწორედ ის, რომ ისინი ძალიან სტუმართმოყვარეები არიან და გპატიჟებენ ღვინოსა და ხაჭაპურზე. მიუხედავად იმისა, რომ საქართველო ევროპასთან ახლოსაა, საერთოდ არ ჰგავს ევროპას. დასაწყისში ის სრულიად უცხო და უცნაური იყო, მაგრამ მას მერე, რაც თქვენ დამკვიდრდებით და გაეცნობით ადგილობრივ მოსახლეობას, გაიჩენთ მეგობრებს, აღმოაჩენთ, რომ საქართველო არის შესანიშნავი ქვეყანა, სადაც დროის გასატარებლად უამრავი ადგილი არსებობს.

კავკასიის უნივერსიტეტის კამპუსი მართლაც ლამაზი ადგილია, იგი ახალი გარემონტებულია. თქვენი შესვენება შეგიძლიათ გაატაროთ ბაღში ან კაფეტერიაში. ყველა ცდილობს რომ თქვენი ვიზიტი, რაც შეიძლება კომფორტული გახადოს. მთლიანობაში, კავკასიის უნივერსიტეტში სწავლა მნიშვნელოვანი გამოცდილებაა, რომელიც თქვენს გარშემო ადამიანებთან ერთად, ცხოვრების სხვაგვარი გზის აღმოაჩენაში გეხმარებათ.

ქეთევან კარბაია

საერთაშორისო ურთიერთობების დეპარტამენტის დირექტორი

ტელ.: (+995 32) 237 77 77 (233)

ელ.ფოსტა: kkarbaia@cu.edu.ge

ანი თავართქილაძე 

საერთაშორისო ურთიერთობების დეპარტამენტის დირექტორის მოადგილე

ტელ.: +995 (32) 237 77 77 (240)

ელ.ფოსტა: atavartkiladze@cu.edu.ge