ღვინისა და კულინარიის ტურიზმის განვითარება განათლების, ინოვაციისა და

თანამშრომლობის გზით (GastroTour)

ერასმუს+ პროგრამის ფარგლებში, დაფინანსებული უმაღლესი განათლების შესაძლებლობების განვითარების პროექტი „ღვინისა და კულინარიის ტურიზმის განვითარება განათლების, ინოვაციისა და თანამშრომლობის გზით“ (GastroTour) მიზნად ისახავს ღვინისა და კულინარიის ტურიზმის ინდუსტრიების მოდერნიზებას.

პროექტი საერთაშორისო კოლაბორაციული ინიციატივაა და აერთიანებს უნივერსიტეტებს, ინდუსტრიის ლიდერებსა და ორგანიზაციებს, რომლებიც მონაწილეობენ ღვინისა და კულინარიის სექტორების განვითარებაში.

მისი მისიაა ინოვაციური, ციფრული საგანმანათლებლო გადაწყვეტილებებისა და ინსტრუმენტების შექმნა, რომლებიც ხელს შეუწყობს მდგრად ეკონომიკურ და სოციალურ განვითარებას. განათლების, ინდუსტრიული პარტნიორობისა და ციფრული ტრანსფორმაციის გამოყენებით, პროექტი აძლიერებს სტუდენტებს, პროფესიონალებსა და ბიზნესებს, რათა წარმატებით საქმიანობდნენ მუდმივად ცვალებად ტურისტულ გარემოში.

GastroTour ხელს უწყობს ადამიანური რესურსების დეფიციტისა და კვალიფიკაციის ამაღლებასთან დაკავშირებული შესაძლებლობების პრობლემის აღმოფხვრას ღვინისა და კულინარიული ტურიზმის სექტორებში, განსაკუთრებით საქართველოსა და სამხრეთ აფრიკაში.

პროექტის ამოცანებია:

• დინამიური ციფრული საგანმანათლებლო პროგრამების შექმნა, რომლებიც ინტეგრირებულად მოიცავს ტურიზმს, კულინარიას, ღვინის ინდუსტრიასა და კულტურის მემკვიდრეობას;
• მდგრადი საუნივერსიტეტო-ინდუსტრიული პარტნიორობების დამყარებას, რომელიც მხარს დაუჭერს უწყვეტი სწავლებისა და ადგილობრივი განვითარების პროცესს;
• ინოვაციური ციფრული ინსტრუმენტების შექმნა, რომლებიც ბიზნესებს დაეხმარება თავიანთი მოდელების შეფასებაში, კონსულტაციების მიღებასა და კულინარიული ტურიზმის სექტორში ინკლუზიის ხელშეწყობაში.

პროექტში კავკასიის უნივერსიტეტთან ერთად ჩართულია უნივერსიტეტები ჩეხეთიდან, პორტუგალიიდან, ესპანეთიდან და სამხრეთ აფრიკიდან. პროექტის კოორდინატორია იაკობ გოგებაშვილის სახელობის თელავის სახელმწიფო უნივერსიტეტი (თესაუ).

დამატებითი ინფორმაციისთვის ეწვიეთ პროექტის ოფიციალურ ვებ-გვერდს.