12 ივნისს, კავკასიის უნივერსიტეტში, კავკასიის სახელმწიფო მართვის სკოლის საჯარო ლექციათა ციკლის ფარგლებში გაიმართა სამხრეთ აფრიკის რესპუბლიკაში საქართველოს საგანგებო და სრულუფლებიანი ელჩის ბექა დვალის საჯარო ლექცია თემაზე - ,,საქართველოს საგარეო პოლიტიკის აფრიკული ვექტორი“.

შეხვედრაზე განიხილეს შემდეგი საკითხები:

• “რა გვინდა აფრიკაში?” - აფრიკის კონტინენტზე საქართველოს დიპლომატიური ძალისხმევის მნიშვნელობა;
• აფრიკაში საქართველოს დიპლომატიური ძალისხმევის სტატუსი, თავისებურებები, გამოწვევები, შესაძლებლობები;
• კონფლიქტი აფრიკაში;
• სამხრეთ აფრიკის რესპუბლიკა: წარსული, აწმყო, განვითარების ტენდენციები.

ლექციის მიზანი იყო აფრიკის კონტინენტის სახელმწიფოების მიმართ საქართველოს საგარეო პოლიტიკის მნიშვნელობისა და ძირითადი მახასიათებლების შესახებ სტუდენტების ცნობიერების ამაღლება და მათი დაინტერესება.

ლექციის დასასრულს ბექა დვალმა უპასუხა სტუდენტების შეკითხვებს.