22 სექტემბერს, გაიმართა Women in Tech CCA დაჯილდოების ცერემონიალი. ცერემონიის ფარგლებში დაჯილდოვდნენ სტუდენტები, რომლებმაც წარმატებით დაასრულეს შეღწევადობის ტესტირების პროგრამა.
პროგრამა Women in Tech Georgia-ს, კავკასიის კიბერუსაფრთხოების ცენტრის, კავკასიის უნივერსიტეტისა და სამეცნიერო კიბერუსაფრთხოების ასოციაციის ერთობლივი ძალისხმევით ხორციელდება.
პროგრამის მთავარი მიზანია შექმნას ახალი პროფესიის დაუფლების, პროფესიული განვითარებისა და შემდგომი დასაქმების შესაძლებლობები ქალებისთვის ტექნიკურ ინდუსტრიაში - კონკრეტულად კიბერუსაფრთხოებაში.
