კავკასიის უნივერსიტეტის პროფესორმა გიორგი ბრეგაძემ და ასისტენტ-პროფესორმა ნატო რობიტაშვილმა მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ორგანიზებულ VII საერთაშორისო სამეცნიერო-პრაქტიკულ კონფერენციაში: „ტურიზმი: გამოწვევები და მდგრადი განვითარება“.

19 ივნისს, კავკასიის უნივერსიტეტში, გაიმართა საჯარო ლექცია თემაზე - „უნდა შემოიღოს თუ არა საქართველომ ტურიზმის გადასახადი? საერთაშორისო პრაქტიკისა და ეკონომიკური შედეგების შეფასება“.

17 ივნისს, კავკასიის ტურიზმის სკოლის საბაკალავრო ნაშრომების დაცვა გაიმართა.

14 ივნისს, კავკასიის უნივერსიტეტის ტურიზმის სკოლის სტუდენტებისთვის ჩატარდა სასწავლო ტური ისტორიულ მესხეთში, რომელსაც უძღვებოდა ტურიზმის სკოლის პროფესორი ლევან წიქარიშვილი.

28 მაისს, კავკასიის უნივერსიტეტში, გაიმართა ტურიზმის სკოლის პროფესორის, თემურ ხუციშვილის საჯარო ლექცია თემაზე - „ბეჭდური, საარქივო და ზეპირსიტყვიერი მასალები სოლოლაკის ტურის მოსამზადებლად“.

25 მაისს, კავკასიის ტურიზმის სკოლის სტუდენტური სამეცნიერო კონფერენცია გაიმართა.

13 მაისს, კავკასიის უნივერსიტეტის მწვანე ტურიზმის ჰაბის სტეიკჰოლდერებთან თანამშრომლობის სერიის ფარგლებში გაიმართა შეხვედრა ლიდერობის აკადემია „საბადოს“ ხელმძღვანელთან, გიორგი უგულავასთან.

9–10 მაისს, ტურიზმის სკოლის სტუდენტები იმყოფებოდნენ სათავგადასავლო-შემეცნებით გასვლით ტურზე იმერეთში.

5 მაისს, მასპინძლობის მენეჯმენტის ერთობლივი საბაკალავრო პროგრამის სტუდენტები იმყოფებოდნენ ლაგოდეხის დაცულ ტერიტორიაზე, სადაც შეხვდნენ დაცული ტერიტორიების დირექტორს გიორგი სულამანიძეს. იგი ესაუბრა სტუდენტებს ლაგოდეხის დაცული ტერიტორიების შესახებ და გააცნო მისი მართვის სპეციფიკა, იქ არსებული ბიომრავალფეროვნება და ეკოტურისტული სერვისები.

Erasmus+ ადმინისტრაციული პერსონალის მობილობის ფარგლებში კავკასიის უნივერსიტეტის წარმომადგენლები, საერთაშორისო აკრედიტაციის სამსახურის მენეჯერი, თამთა გაბისონია, საზოგადოებასთან ურთიერთობის მენეჯერი, ნინა კაპანაძე და ტურიზმის სკოლის დეკანი, დიკო კოპალეიშვილი, სამუშაო ვიზიტით იმყოფებოდნენ კაშტელო ბრანკოს პოლიტექნიკურ უნივერსიტეტში, პორტუგალია, სადაც მონაწილეობა მიიღეს საერთაშორისო კვირეულის პროგრამაში.