საერთაშორისო ურთიერთობების სადოქტორო საგანმანათლებლო პროგრამაზე სწავლის უფლება აქვს:
- მაგისტრს ან მასთან გათანაბრებული აკადემიური ხარისხის მქონე პირს (აპლიკანტმა უნდა წარმოადგინოს აკადემიური ხარისხის დამადასტურებელი დიპლომი აკრედიტირებული უმაღლესი სასწავლებლიდან);
- სავალდებულოა მინიმუმ 2 წლის სამუშაო გამოცდილება ან/და 2.5-ზე მეტი GPA სამაგისტრო საფეხურის ნებისმიერ სპეციალობაზე (პრიორიტეტი ენიჭება საერთაშორისო ურთიერთობების, პოლიტიკური მეცნიერებების, იურუსპრუდენციის, ევროპული კვლევების, საჯარო მმართველობის, ეკონომიკის სპეციალობებს).
დოქტორანტურაში ჩასარიცხად კანდიდატმა
- უნდა გაიაროს ონლაინ რეგისტრაცია
- კომისიას წარუდგინოს სამოტივაციო წერილი და კურიკულუმ ვიტა; ასევე,
- წიგნის ან სამეცნიერო სტატიის 1-2 გვერდიანი მიმოხილვა-ანალიზი (აპლიკანტმა უნდა მიმოიხილოს ნებისმიერი წიგნი ან საერთაშორისო რეფერირებად ჟურნალში გამოქვეყნებული სამეცნიერო სტატია საერთაშორისო ურთიერთობების სფეროდან, რომელიც მან ბოლო დროს წაიკითხა. მიმოხილვაში უნდა იყოს მოცემული რას ეხებოდა წიგნი/სტატია, რა ისწავლეს მისგან და რატომ მოეწონათ/არ მოეწონათ, რამდენად რელევანტური იყო გამოყენებული კვლევის მეთოდები და/ან რამდენად პასუხობდა ნაშრომი დასახულ კვლევით ამოცანას);
- სადოქტორო კვლევის წინასწარი მონახაზი/პროსპექტუსი (რომელიც შემდგომ შესაძლებელია შეიცვალოს (პროსპექტუსში მოცემული უნდა იყოს კანდიდატის საკვლევი თემა, კვლევითი კითხვა, ჰიპოთეზა და კვლევის მეთოდოლოგია)
- ინგლისური ენის B2 დონეზე ცოდნის დამადასტურებელი სერტიფიკატი; საერთაშორისო ურთიერთობების სადოქტორო საგანმანათლებლო პროგრამაზე დაშვების ერთ-ერთი აუცილებელი წინაპირობაა ინგლისური ენის ცოდნა მინიმუმ B2 დონეზე, რაც უნდა დასტურდებოდეს წარმოდგენილი სერტიფიკატით. სერთიფიკატის არქონის შემთხვევაში ინიშნება გამოცდა); სერტიფიკატის წარდგენისგან კანდიდატი განთავისუფლდება, თუ მას ინგლისურ ენაზე ნასწავლი აქვს საზღვარგარეთის უნივერსიტეტში (მინიმუმ 1 სემესტრი) ან დასრულებული აქვს ინგლისურენოვანი საბაკალავრო ან სამაგისტრო პროგრამა;
- საბუთების გადარჩევის შემდგომ კანდიდატები გაივლიან კავკასიის უნივერსიტეტის სახელმწიფო მართვის სკოლის მიმღებ კომისიასთან გასაუბრებას.
დამატებით წარმოსადგენი დოკუმენტაცია
- დიპლომის ნოტარიულად დამოწმებული ასლი და დიპლომის დანართი (ნიშნების ფურცელი);
- 2 ცალი პასპორტის ფოტოსურათი (იგივე ჩაწერილი CD-ზე);
- პირადობის მოწმობის ასლი;
- სამხედრო მიწერის მოწმობის ასლი (მამაკაცებისთვის).
პროგრამაზე მიღების ეტაპები:
- საბუთების მიღება - 1-15 სექტემბერი;
- შიდა ტესტირება ინგლისურ ენაში –18 სექტემბერი
- გასაუბრება მიმღებ კომისიასთან -22-23 სექტემბრის პერიოდი (კონკრეტული დრო ეცნობებათ მეორე ეტაპზე გადასულ აპლიკანტებს)
სწავლის საფასური და დაფინანსება:
- სამწლიანი სადოქტორო პროგრამის ღირებულება შეადგენს 9,000 ლარს
- დოქტორანტი თანხას იხდის ორ ნაწილად. პირველ წელს - 4,500 ლარს და მეორე წელს ასევე - 4,500 ლარს.
- პირველი წლის დასრულების შემდეგ წარჩინებულ დოქტორანტებს ეძლევათ შესაძლებლობა მოიპოვონ კავკასიის სახელმწიფო მართვის სკოლის გრანტი 4,500 ლარის ოდენობით.