კავკასიის უნივერსიტეტმა ომანის სასულთნოს ბიზნესისა და მეცნიერების თანამედროვე კოლეჯის (MCBS) Innovation X-ის დეკანს, მოსა აბდულაჰ ალ-კინდს, და ინოვაციების და მეწარმეობის ცენტრის ხელმძღვანელს, ამჯედ სიდ აჰმედს უმასპინძლა.
ვიზიტის ფარგლებში, გაიმართა გაცნობითი შეხვედრა კავკასიის უნივერსიტეტის პრეზიდენტთან, კახა შენგელიასთან, ვიცე-პრეზიდენტთან ინტერნაციონალიზაციის მიმართულებით, ბიზნესის სკოლის დეკანთან, საერთაშორისო ურთიერთობების დეპარტამენტის დირექტორთან და ინოვაციების და მეწარმეობის ცენტრის წარმომადგენლებთან. ასევე, მხარეებს შორის გაფორმდა ურთიერთთანამშრომლობის მემორანდუმი.
შეხვედრაზე მხარეებმა ისაუბრეს თანამშრომლობაზე, საერთაშორისო პროგრამებზე, აკრედიტაციებსა და მიღწევებზე, ასევე ინოვაციებისა და მეწარმეობის მიმართულებით ერთობლივი თანამშრომლობის შესაძლებლობებზე.
