გაცნობებთ რომ, კორვინუსის უნივერსიტეტის, უნგრეთი (Corvinus University of Budapest, Hungary)  მოწინავე კვლევების ინსტიტუტი (Corvinus Institute for Advanced Studies, CIAS) იწყებს განაცხადების მიღებას სამეცნიერო-კვლევითი სტიპენდიის მოსაპოვებლად 2025-26 სასწავლო წლისთვის.

შემოთავაზებული პროგრამის ხანგრძლივობაა ერთი ან ორი სემესტრი (5-10 თვე).

CIAS უზრუნველყოფს კვლევით სტიპენდიებს შემდეგ საგრანტო კატეგორიებში:

• მოწვეული მკვლევარი;
• უფროსი მკვლევარი;
• უმცროსი მკვლევარი;
• არარეზიდენტი მკვლევარი.

სამეცნიერო სტიპენდიების მიღების კრიტერიუმებია:

• დოქტორის ხარისხი;
• საერთაშორისოდ აღიარებულ ჟურნალებში გამოქვეყნებული ნაშრომები (მინიმუმ 5 ნაშრომი);
• უნგრეთში კვლევისა და/ან ლექციების ჩასატარებლად შესაბამისი დონის ინგლისური ენის ცოდნა
• შემოთავაზებული საქმიანობის (კვლევის, პრეზენტაციის ჩატარება) დეტალური აღწერა;
• ბუდაპეშტში ყოფნის შესაძლებლობა საგრანტო პერიოდის განმავლობაში; (არარეზიდენტი სტიპენდიანტების გარდა).

შემოთავაზებული სტიპენდიის ოდენობა განისაზღვრება სამეცნიერო ხარისხის მიხედვით

და მოიცავს:

• სტიპენდია;
• ცხოვრების ხარჯებს;
• მგზავრობის ღირებულებას;
• დაზღვევას;
• ოჯახის დახმარებას (მეუღლე და ბავშვ(ები));

სტიპენდიაზე განაცხადის წარდგენის საბოლოო ვადაა: 2025 წლის 31 იანვარი. დაინტერესების შემთხვევაში, გთხოვთ, გაიაროთ ელექტრონული რეგისტრაცია მოცემულ ბმულზე.

დამატებითი ინფორმაციის მისაღებად გთხოვთ, ეწვიოთ პროგრამის ოფიციალურ ვებ-გვერდს.

გისურვებთ წარმატებას!