კავკასიის უნივერსიტეტში CU Game Fest 2023 ჩატარდა. კიბერსპორტის კონკრეტულ სახეობებში დეკემბრიდან დაიწყო ონლაინ შესარჩევი ტურები, რის შემდეგაც ონლაინ საკვალიფიკაციო ეტაპებიდან გამოვლინდნენ საუკეთესო კიბერ სპორტსმენები, რომლებიც 11-12 თებერვალს კავკასიის უნივერსიტეტში დაუპირისპირდნენ ერთმანეთს.

ფესტივალის მხარდამჭერი კავკასიის უნივერსიტეტი იყო და მასში მონაწილეობას საქართველოდან 6000-მდე ადამიანი იღებდა. ღონისძიების საფინალო ეტაპზე გამოვლინდნენ გამარჯვებულები როგორც კიბერსპორტში, ასევე ქოსფლეის მიმართულებით (კოსტიუმირებული შეჯიბრი). საპრიზო ადგილზე გასულ მონაწილეებს სხვადასხვა საჩუქრები გადაეცათ.

CU Game Fest 2023 არის ერთ-ერთი ყველაზე მასშტაბური ახალგაზრდული ფესტივალი კიბერსპორტში, რომელიც აერთიანებს: კიბერ სპორტს; რეტრო გეიმინგს; სამაგიდო თამაშებს; ტექნოლოგიურ გამოფენას; საქართველოში შექმნილი თამაშების გამოფენას; თამაშების შექმნის კონკურს; ქოსფლეის (კოსტიუმირებული შეჯიბრი); გეიმინგ კონფერენციას; ღონისძიების ფარგლებში, ასევე, გაიმართა ხელნაკეთი ნივთებისა და სუვენირების გამოფენა-გაყიდვა (Flea Market).