კავკასიის უნივერსიტეტმა მსოფლიოს თხუთმეტ უნივერსიტეტს უმასპინძლა

11 იანვარი
მის ფარგლებში "NIBES"-ის წევრი თხუთმეტი ბიზნესისა თუ ეკონომიკის სკოლის დეკანები ერთმანეთს შეხვდნენ, გამოცდილება გაუზიარეს და მომავალი ურთიერთთანამშრომლობის გეგმები განიხილეს.

"NIBES"-ი ბიზნესისა და ეკონომიკის სკოლების საერთაშორისო ასოციაციაა, რომელშიც გაწევრიანება ქვეყნიდან მხოლოდ ერთ უნივერსიტეტს შეუძლია. კავკასიის უნივერსიტეტი ასოციაციაში 2007 წელს ჰიროსიმაში გამართულ მე-11 წლიურ შეხვედრაზე მიიღეს. "NIBES"-ის მიზანია წევრ ინსტიტუტებს შორის სტუდენტთა და პროფესორ-მასწავლებელთა გაცვლის, კვლევებისა თუ ერთობლივი აკადემიური პროგრამების მხარდაჭერა.

ორგანიზაციას ამჟამად 22 აქტიური წევრი ჰყავს. მათ შორის: კლერმონის ბიზნესის უმაღლესი სკოლა, ფორცჰაიმის უნივერსიტეტი, ჰიროსიმას ეკონომიკის უნივერსიტეტი, კრაკოვის ეკონომიკური უნივერსიტეტი, ბრიგჰემ იანგის უნივერსიტეტი და სხვა.