25 თებერვალს, კავკასიის უნივერსიტეტის საკონფერენციო დარბაზში აბიტურიენტებისთვის კონკურსი - ლოგიკური თამაშების ლიგა - ჩატარდა.

კონკურსში მონაწილეობა მიიღეს თბილისის კერძო და საჯარო სკოლის მეთორმეტე კლასის მოსწავლეებისაგან დაკომპლექტებულმა გუნდებმა.

მონაწილეებს 2 საათი და 30 წუთი ჰქონდათ 15 ლოგიკური ამოცანის ამოსახსნელად.

კონკურსის პირველადი შედეგები 1 მარტს კავკასიის უნივერსიტეტის ვებ-გვერდზე გამოქვეყნდება. მონაწილეებს საშუალება ექნებათ, რომ  2 და 3 მარტს გაასაჩივრონ შედეგები, რომელსაც სპეციალურად შერჩეული ჟიური ახლიდან განიხილავს. საბოლოო შედეგები კი 4 მარტს განთავსდება.

12 მარტს, გამარჯვებული გუნდებისთვის გაიმართება საზეიმო დაჯილდოება, სადაც კავკასიის უნივერსიტეტი გამარჯვებულ გუნდებს საპრიზო ვაუჩერებს გადასცემს.

საპრიზო ადგილები:

I ადგილზე გასულ გუნდს გადაეცემა 8 000 ლარიანი სასწავლო ვაუჩერი

II ადგილზე გასულ გუნდს გადაეცემა 6 000 ლარიანი სასწავლო ვაუჩერი

III ადგილზე გასულ გუნდს გადაეცემა 4 000 ლარიანი სასწავლო ვაუჩერი

საპრიზო ადგილზე გასული გუნდის წევრი, მიიღებს გუნდისთვის გამოყოფილი ვაუჩერის 1/4-ს. მიღებული ვაუჩერი დააფინანსებს კავკასიის უნივერსიტეტში ბაკალავრიატში სწავლის საფასურს 4 წლის განმავლობაში. ვაუჩერებით სარგებლობა შეუძლიათ 2022-2023 აკადემიურ წელს კავკასიის უნივერსიტეტში ჩარიცხულ სტუდენტებს.