23 მაისს, კავკასიის უნივერსიტეტსა და ზურაბ ტყეშელაშვილის სახელობის ტრავმატოლოგია ორთოპედიის ცენტრს შორის ურთიერთთანამშრომლობის მემორანდუმი გაფორმდა.
მემორანდუმს ხელი მოაწერეს კავკასიის უნივერსიტეტის მხრიდან, პრეზიდენტმა - კახა შენგელიამ და ტრამვატოლოგია ორთოპედიის ცენტრის მხრიდან, სამეთვალყურეო საბჭოს თავმჯდომარემ - ნიკოლოზ მენთეშაშვილმა.
მხარეები გამოხატავენ მზადყოფნას ხელი შეუწყონ კავკასიის მედიცინისა და ჯანდაცვის მენეჯმენტის სკოლის სტუდენტებს მიღებული ცოდნის პრაქტიკულ გაანალიზებაში, კლინიკურ გარემოში სწავლასა და პროფესიული უნარ-ჩვევების გამომუშავებაში.
