6 სექტემბერს, კავკასიის უნივერსიტეტის საერთაშორისო ურთიერთობების დეპარტამენტმა საერთაშორისო ხარისხის მაძიებელ სტუდენტებს კამპუსში უმასპინძლა.
2024 წლის შემოდგომის სემესტრში, კავკასიის უნივერსიტეტს, ინგლისურენოვან პროგრამებზე, საერთაშორისო ხარისხის მაძიებელი სტუდენტები მსოფლიოს 15-ზე მეტი ქვეყნიდან უერთდებიან.
ტრადიციულად, სტუდენტებმა მიიღეს დეტალური ინფორმაცია, როგორც უნივერსიტეტის მისიის, ინტერნაციონალიზაციის პოლიტიკისა და საერთაშორისო ურთიერთობების, ასევე უნივერსიტეტში არსებული სერვისებისა და სასწავლო პროცესში ჩართული დეპარტამენტების საქმიანობის შესახებ. შეხვედრა ინტერაქციულ რეჟიმში წარიმართა, სტუდენტებს საშუალება ჰქონდათ, რომ მათთვის მნიშვნელოვან კითხვებზე ამომწურავი პასუხები მიეღოთ.
შეხვედრა კამპუს ტურით დასრულდა, სტუდენტებმა მოინახულეს კამპუსში არსებული კვლევითი ცენტრები და ლაბორატორიები.
საორიენტაციო შეხვედრები, იმ ხარისხის მაძიებელი სტუდენტებისთვის, რომლებიც კავკასიის უნივერსიტეტის ინგლისურენოვან საგანმანათლებლო პროგრამებს მიმდინარე აკადემიური სემესტრიდან შემოუერთდებიან, რამდენიმე ეტაპად განხორციელდება.
