კავკასიის უნივერსიტეტსა და ბუქარესტის ეკონომიკის უნივერსიტეტს, რუმინეთი, შორის ურთიერთთანამშრომლობის ხელშეკრულებას მოეწერა ხელი.

ბუქარესტის ეკონომიკის უნივერსიტეტი სახელმწიფო უნივერსიტეტია რუმინეთში, რომელიც 1913 წელს დაარსდა ახალგაზრდა ეკონომისტების მიერ, დასავლეთ ევროპის კომერციული აკადემიების გამოცდილებაზე დაყრდნობით. უნივერსიტეტი 23 ათას სტუდენტსა და 900-მდე აკადემიურ პერსონალს აერთიანებს და 110-ზე მეტ პროგრამას სთავაზობს სტუდენტებს როგორც საბაკალავრო, ასევე სამაგისტრო და სადოქტორო საფეხურზე. ბუქარესტის ეკონომიკის უნივერსიტეტი Times Higher Education World University Rankings- მსოფლიოს უნივერსიტეტების ჩამონათვალში, რუმინეთში ნომერ პირველი უმაღლესი სასწავლებელია, უნივერსიტეტს ასევე მოპოვებული აქვს AMBA-ს აკრედიტაცია.

აღნიშნული ურთიერთთანამშრომლობის შეთანხმება კავკასიის ბიზნესისა და კავკასიის ეკონომიკის სკოლის სტუდენტებს შესაძლებლობას მისცემს სემესტრული გაცვლითი პროგრამით ისარგებლონ ბუქარესტის ეკონომიკის უნივერსიტეტში.