მენიუ

გიორგი ბობღიაშვილი

გიორგი ბობღიაშვილი არის კავკასიის უნივერსიტეტის კავკასიის სახელმწიფო მართვის სკოლის მოწვეული ლექტორი, სადაც 2022 წლიდან საჯარო მმართველობის პროგრამის სამაგისტრო (MA) და საბაკალავრო (BA) საფეხურის სტუდენტებს უკითხავს პოლიტიკის დაგეგმვის თეორიულ და პრაქტიკულ კურსებს. 2021 წლიდან იგი ასევე ლექციებს კითხულობს ილიას სახელმწიფო უნივერსიტეტში.

 

ამჟამად, UNDP-ის საერთაშორისო კონსულტანტის რანგში, იგი სხვადასხვა ქვეყნის მთავრობას უწევს კონსულტაციას საჯარო მმართველობის რეფორმის (PAR) საკითხებში და მხარს უჭერს რეფორმის შემუშავებასა და ინსტიტუციურ გაძლიერებაში.

 

გიორგის მმართველობის სფეროში 13 წელზე მეტი პროფესიული გამოცდილება აქვს. საქართველოს ევროინტეგრაციის პროცესის ფარგლებში მთავრობის ადმინისტრაციაში პოლიტიკის დაგეგმვის სამსახურის უფროსის პოზიციაზე უხელმძღვანელა ქვეყანაში პოლიტიკის დაგეგმვისა და კოორდინაციის ცენტრალიზებული სისტემის ჩამოყალიბებას ევროკავშირისა და OECD/SIGMA-ს პრინციპების შესაბამისად. ის ასევე მუშაობდა სხვა საჯარო დაწესებულებებსა და საერთაშორისო ორგანიზაციებში.

 

მას მოპოვებული აქვს საჯარო მმართველობის მაგისტრის ხარისხი (წარჩინებით) ილიას სახელმწიფო უნივერსიტეტიდან და ევროპისმცოდნეობის მაგისტრის ხარისხი (წარჩინებით) კომენიუსის უნივერსიტეტიდან; სამაგისტრო სწავლის პერიოდში გაიარა ერასმუსის გაცვლითი პროგრამა გრონინგენის უნივერსიტეტში.

 

მისი კვლევითი ინტერესები მოიცავს პოლიტიკის დაგეგმვასა და კოორდინაციას, საჯარო მმართველობის რეფორმას, ინსტიტუციურ და ფუნქციურ ანალიზსა და რესტრუქტურიზაციას, ელექტრონულ მმართველობას და სერვისების მიწოდებას. აღსანიშნავია, რომ ის თანა-თავმჯდომარეობდა NISPAcee-ის ყოველწლიური კონფერენციის პოლიტიკის დაგეგმვისა და კოორდინაციის პანელს.

  • Bobghiashvili, G., & Tsikaradze, N. (2025). A handbook on policy planning and coordination: Supplementary handbook for public administration programs. Caucasus University. ISBN 978-9941-9935-3-4.
  • Dolidze, N., Bobghiashvili, G., & Akobia, E. (2023). EU integration coordination in Georgia: Evolution of the coordination model and contingent factors. NISPAcee Journal of Public Administration and Policy, 16(2), 55–81. https://doi.org/10.2478/nispa-2023-0013
  • Bobghiashvili, G., & Akobia, E. (2022). Centralization of policy development and coordination systems — The case of the government of Georgia. In The 30th NISPAcee Annual Conference e-proceedings. NISPAcee. ISBN 978-80-99939-08-1.
  • Bobghiashvili, G., & Donnelly, G. (2017). Ethnic minority rights in Georgia 2013–15: A period of stagnation. European Yearbook of Minority Issues Online, 14(1), 251–280. https://doi.org/10.1163/22116117_01401013
  • Bobghiashvili, G., et al. (2017). Minorities in the media: Analysis of the situation in Armenia, Azerbaijan, Georgia, and Turkey. Caucasus Edition: Journal of Conflict Transformation, 2(2). ISSN 2155-5478
  • Bobghiashvili, G., et al. (2016). Minority language education in Georgia. Caucasus Edition: Journal of Conflict Transformation, 1(1). ISSN 2155-5478