მინი-ლექციები სამართლის საბაკალავრო პროგრამის სტუდენტებთან ჟან მონეს მოდულის ფარგლებში 2024-2025 სასწავლო წლის შემოდგომის სემესტრი

2022 წელს, ერასმუს+ ჟან მონეს აქტივობების კონკურსში, გაიმარჯვა კავკასიის უნივერსიტეტის, კერძოდ, კავკასიის სამართლის სკოლის მოდულმა „სამართლის პროგრამების ევროპეიზაცია საქართველოში“ (Jean Monnet Module: 101084764 — EU-LP-GE).

მოდულის ავტორია პროფ. ეკატერინე ქარდავა. მოდულს უძღვებიან პროფ. გურანდა ჭელიძე და პროფ. ეკატერინე ქარდავა.

მოდულის ფარგლებში, 2024-2025 სასწავლო წლის შემოდგომის სემესტრში, სამართლის საბაკალავრო საგანმანათლებლო პროგრამის სტუდენტებისთვის, კერძოდ, შრომის სამართლისა და ადამიანის უფლებებათა სამართლის სასწავლო დისციპლინის სტუდენტებისთვის, 24 სექტემბერს და 26 სექტემბერს, ოთხ ჯგუფად ჩატარდა  3 საათიანი ლექციები თემაზე „ევროკავშირის სამართალი და ევროკავშირის პოლიტიკა“;  ლექციებს ასევე დაესწრნენ სხვა პროგრამისა და სხვა სასწავლო საგნების სტუდენტებიც; სულ 127 სტუდენტი (93 მდედრობითი და 34 მამრობითი სქესის წარმომადგენლები).

ლექცია შეეხო თემებს:

• ევროკავშირის ფუნდამენტურ უფლებათა ქარტია;
• ევროკავშირის შრომის სამართალი;
• ევროკავშირის შექმნა და გაფართოება;
• ევროკავშირის მიზნები და ფასეულობები;
• კოპენჰაგენის კრიტერიუმები;
• საქართველოსთვის ევროკავშირში გაწევრების მიმდინარე მდგომარეობა და საქართველოს წინაშე არსებული ამოცანები
• სამომავლო პერსპექტივები.

ლექციის მსვლელობისას, სტუდენტების მხრიდან დაისვა როგორც სამართლებრივი, ასევე, პოლიტიკური ბუნების შეკითხვები, რაზეც, კომპეტენციის ფარგლებში, პასუხები გასცეს პროფ. გურანდა ჭელიძემ და პროფ. ეკატერინე ქარდავამ.