31 ოქტომბერს, კავკასიის უნივერსიტეტში, გაიმართა ახალი Jean Monnet მოდულის პრეზენტაცია (2023-2026) - "ქალთა შესაძლებლობების გაზრდა კიბერუსაფრთხოებაში ევროკავშირის გამოცდილების საფუძველზე - WISEC ACADEMY".
შეხვედრას უძღვებოდა: კიბერუსაფრთხოების მიმართულების ხელმძღვანელი, კიბერუსაფრთხოების ცენტრის დირექტორი, პროფესორი მაქსიმ იავიჩი; კომპიუტერული მეცნიერების დოქტორანტი, კიბერუსაფრთხოების მთავარი სპეციალისტი კიბერუსაფრთხოების ცენტრში არჩილი შენგელია; დოქტორი გიორგი ახალაია, კიბერუსაფრთხოების ცენტრის მთავარი სპეციალისტი; სერგეი სიმონოვი, კომპიუტერული მეცნიერების დოქტორობის კანდიდატი, კიბერუსაფრთხოების მთავარი სპეციალისტი კიბერუსაფრთხოების ცენტრში.
დამსწრე საზოგადოებას სიტყვით მიესალმა კავკასიის უნივერსიტეტის ვიცე-პრეზიდენტი ინტერნაციონალიზაციის საკითხებში ირენა მელუა და კავკასიისა და ცენტრალური აზიის Women in Tech რეგიონული დირექტორი ნინო ლორთქიფანიძე.
ღონისძიებაზე სპიკერებმა წარადგინეს შემდეგი თემატური პრეზენტაციები:
- ახალი ჟან მონეს მოდულის პრეზენტაცია: ქალთა შესაძლებლობების გაზრდა კიბერუსაფრთხოებაში ევროკავშირის გამოცდილების საფუძველზე - WISEC ACADEMY. პროექტის მიზნები, სპეციფიკაცია და სასწავლო პროგრამის მახასიათებლები;
- GDPR და მონაცემთა დაცვის განათლების მნიშვნელობა საქართველოში ევროკავშირის კვლევებზე დაფუძნებული WISEC აკადემიის ფარგლებში;
- შეღწევადობის ტესტირება. ევროპული პრაქტიკა;
- WISEC აკადემიის სამიზნე აუდიტორია და აქტივობები თითოეული კატეგორიისთვის;
- პროექტის მოსალოდნელი გავლენა და შედეგები.
ღონისძიების დასკვნით ნაწილში დამსწრე აუდიტორიას საშუალება ჰქონდა, რომ მათთვის მნიშვნელოვან და საინტერესო კითხვებზე ამომწურავი პასუხები მიეღოთ.
