კავკასიის უნივერსიტეტის სასწავლო ტურის ფარგლებში, უნივერსიტეტის ადმინისტრაცია და სტუდენტები არაბთა გაერთიანებულ საამიროებში საქართველოს ელჩს, გიორგი ჯანჯღავას, ეწვივნენ.
შეხვედრის ფარგლებში, სტუდენტებს შესაძლებლობა ჰქონდათ, გასცნობოდნენ საქართველოსა და არაბთა გაერთიანებულ საამიროებს შორის თანამშრომლობის ძირითად მიმართულებებს და რეგიონში არსებულ ეკონომიკურ, საგანმანათლებლო და კულტურულ შესაძლებლობებს.
სტუმრებმა ელჩთან ერთად განიხილეს საერთაშორისო განათლების პერსპექტივები, გლობალური კარიერული შესაძლებლობები და სტუდენტური ინიციატივების მხარდაჭერის გზები. ვიზიტი მნიშვნელოვანი ნაბიჯი იყო სტუდენტებისთვის საერთაშორისო გამოცდილების მიღებისა და პროფესიული ხედვის გაფართოების მიმართულებით.
