სტრატეგიული კვლევების მენეჯმენტ კომპანია “მეთოდო” პრაქტიკული ვორკშოპების სერიის “კვლევის ძალა დემოკრატიის მშენებლობის გზაზე” ფარგლებში, კავკასიის უნივერსიტეტის სტუდენტებს შეხვდა.
პრაქტიკულ ვორკშოპზე მეთოდის მკვლევრებმა ისაუბრეს კვლევის მნიშვნელობაზე არჩევნების დროს, მის როლზე დემოკრატიული ღირებულებების შექმნის და დამკვიდრების პროცესში, წინასაარჩევნო კვლევების მიზნობრიობაზე, საერთაშორისო და ადგილობრივი გამოყენების ისტორიულ გამოცდილებაზე.
სტუდენტები გაეცნენ ეგზიტპოლის დაგეგმვის შიდა სამზარეულოს, შედეგების წინასწარმეტყველების მეთოდებს და მონაცემებზე დაფუძნებული საარჩევნო კამპანიის წარმართვის პრინციპებს. ვორკშოპზე მოსულ სტუდენტებს შესაძლებლობა ჰქონდათ ჩართულიყვნენ პრაქტიკულ აქტივობებში და ეგზიტპოლის სიმულაციაში.
