კავკასიის უნივერსიტეტის დუბაის ტრენინგ ცენტრისა და CU-ის მიერ ორგანიზებული სასწავლო ტურის ფარგლებში, სტუდენტები აბუ დაბიში იმყოფებოდნენ, სადაც მსოფლიო მნიშვნელობის კულტურულ და ისტორიულ ძეგლებს ესტუმრნენ.

ვიზიტის ფარგლებში, სტუდენტებმა მოინახულეს შეიხ ზაედის გრანდ მეჩეთი (Sheikh Zayed Grand Mosque) – არაბთა გაერთიანებული საამიროების ერთ-ერთი ყველაზე მასშტაბური და შთამბეჭდავი არქიტექტურული ნაგებობა.

ასევე, სტუდენტები ეწვივნენ ქასრ ალ ვათანს (Qasr Al Watan) – არაბთა გაერთიანებული საამიროების პრეზიდენტის სასახლეს, სადაც მათ შესაძლებლობა ჰქონდათ, დაეთვალიერებინათ ქვეყნის კულტურული მემკვიდრეობა და გაეცნოთ ქვეყნის მმართველობის ისტორიულ და თანამედროვე ასპექტებს.

სასწავლო ტური სტუდენტებს საშუალებას აძლევს, მიიღონ უნიკალური საერთაშორისო გამოცდილება, გაეცნონ სხვადასხვა ქვეყნების კულტურასა და გაიღრმაონ ცოდნა.