31 ივლისს, პროექტის ფარგლებში პანელური დისკუსიების ციკლი თემაზე „ქვეყნის განვითარება (ეკონომიკა, დემოკრატია, მშვიდობა) და შრომის ბაზარი - პედაგოგიკის გამოწვევები 2023“ გაეროს ბავშვთა ფონდის (UNICEF) ოფისში გაიმართა პანელური დისკუსია თემაზე ,,საკვანძო კომპეტენციები - სამშვიდობო განათლება და აღზრდა დაწყებით საფეხურზე.’’ პროექტის შესახებ დამატებითი ინფორმაცია შეგიძლიათ იხილოთ ბმულზე.
პანელურ დისკუსიაში მონაწილეობა მიიღეს სასკოლო განათლების დაწყებითი საფეხურის სისტემაში ჩართული ინტერესთა ჯგუფების წარმომადგენლებმა: პედაგოგიკის სტუდენტებმა, სასკოლო საზოგადოების წარმომადგენელმა პედაგოგებმა, მშობლებმა, დირექტორებმა და ასევე დამსაქმებლებმა. მონაწილეებმა წარმოგვიდგინე თავიანთი მოსაზრებები, გამოცდილება და ხედვები ზემოაღნიშნულ თემასთან დაკავშირებით.
შეხვედრა წარიმართა ინტერაქტიულ რეჟიმში - მონაწილეებს ჰქონდათ კითხვების დასმისა და კომენტარების გაკეთების საშუალება.
პანელური დისკუსიის სპიკერები:
- დამსაქმებელი - მიხეილ ნონიკაშვილი, მცირე და საშუალო მეწარმეობის განვითარების ასოციაციის (SMEDA) გაციფრულების კომიტეტის ხელმძღვანელი; ს.ს. ევრო-კრედიტის აღმასრულებელი დირექტორი.
- დირექტორი - ნონა წოწორია, სსიპ ჟიული შარტავას სახელობის აფხაზეთის #6 საჯარო სკოლის დირექტორი (ქუთაისი);
- პედაგოგი - ნანო დაშნიანი, აიბი მთიების სასწავლო-სააღმზრდელო სამსახურის ხელმძღვანელი;
- მშობელი - მაია ჯიბუტი, ქ. თბილისის #47 საჯარო სკოლის მშობელი;
- სტუდენტი - ბელა კილასონია, ზოგადი განათლების დაწყებითი საფეხურის (I-VI კლასები) მასწავლებლის მომზადების ინტეგრირებული საბაკალავრო-სამაგისტრო პროგრამა, კავკასიის უნივერსიტეტი.
პანელური დისკუსიის მოდერატორები:
- ალუდა გოგლიჩიძე - კავკასიის განათლების სკოლის დეკანი, აფილირებული ასოცირებული პროფესორი;
- პაატა პაპავა - კავკასიის უნივერსიტეტის აფილირებული ასოცირებული პროფესორი;
- მარიანა ხუნძაყიშვილი - განათლების ოფიცერი, ინკლუზიური განათლების მიმართულება, გაეროს ბავშვთა ფონდი.
პანელური დისკუსიის ვიდეო ჩანაწერი ხელმისაწვდომი იქნება კავკასიის განათლების სკოლის ვებ-გვერდზე.
