კავკასიის უნივერსიტეტის პრეზიდენტი, კახა შენგელია მსოფლიო უნივერსიტეტების კონსორციუმის მმართველი საბჭოს წევრად აირჩიეს. 16 ნოემბერს, მსოფლიო უნივერსიტეტების კონსორციუმის ორგანიზებით, ოფიციალურად გაიხსნა საერთაშორისო კონფერენცია თემაზე - მომავლის განათლება. კონსორციუმის მმართველი საბჭოს სხდომის შეხვედრაზე, რომელიც კონფერენციის ფარგლებში გაიმართა, კავკასიის უნივერსიტეტის პრეზიდენტი ამ თანამდებობაზე სამი წლის ვადით აირჩიეს.

14 ნოემბერს, კავკასიის უნივერსიტეტმა ევროკავშირი–საქართველოს ბიზნეს საბჭოსა და ვენის გამოყენებითი მეცნიერებების უნივერსიტეტის სტუდენტებს უმასპინძლა.

12 ნოემბერს, კავკასიის ტურიზმის სკოლის ლექტორის, ლევან წიქარიშვილის ორგანიზებით ჩატარდა სასწავლო ტური CTS-ის პირველკურსელთათვის. სტუდენტებმა მოინახულეს ძველი და ახალი შუამთა, კვეტერის გუმბათოვანი ეკლესია და ციხე-ქალაქის ნანგრევები. 

4 ნოემბერს, ყვარელში, ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით ჩატარდა კონფერენცია "ტურიზმის განვითარების პერსპექტივები მცხეთა-მთიანეთსა და კახეთში", რომელზეც წარმოდგენილი იყო სტუდენტების და ტურიზმით დაინტერესებული პირების ნაშრომები.

გაცნობებთ, რომ იაპონიის პოლიტიკურ მეცნიერებათა კვლევის ეროვნული  ინსტიტუტი (National Graduate Institute for Policy Studies - GRIPS), აცხადებს მიღებას სამაგისტრო და სადოქტორო პროგრამაზე: "GRIPS-ის გლობალური მართვის პროგრამა (G-Cube)". 

კავკასიის უნივერსიტეტის „ნიუ უესტმინსტერის კოლეჯის” დეკანის მოადგილედ, და ამავე დროს, კავკასიის უნივერსიტეტის დირექტორთა საბჭოს წევრად პროფესორი დევიდ შიმპი დაინიშნა.

პროფესორი რობერტ გუდვინ III კავკასიის უნივერსიტეტის „ნიუ უესტმინსტერის კოლეჯის” დეკანის თანამდებობაზე, და ამავე დროს, კავკასიის უნივერსიტეტის დირექტორთა საბჭოს წევრად  დაინიშნა.

1 ნოემბერს, კავკასიის უნივერსიტეტის წესდების 41-ე მუხლის საფუძველზე უნივერსიტეტის პრეზიდენტმა, დოქტორმა კახა შენგელიამ თბილისში ხელი მოაწერა ბრძანება No. 07/01-11-ს, რის საფუძველზეც უნივერისტეტის სკოლებს ახალი კოლეჯი შეემატა.

კავკასიის უნივერსიტეტი აცხადებს 2018 წლის გაზაფხულის  სემესტრისთვის Erasmus + გაცვლით პროგრამაში მონაწილეობისთვის განაცხადების მიღებას.

25-26 ოქტომბერს კავკასიის უნივერსიტეტს ეწვივნენ რედბაუდის  უნივერსიტეტის ასისტენტ პროფესორი, მატის ვან ლეუვენი, ლექტორი მარგრიეტ გუსსი და ადმინისტრაციის თანამშრომლები - მაარტენ კრასი, განათლებისა და კვლევის ოფიცერი და მაია კიკნაძე, სტუდენტთა მიღების ოფისის ხელმძღვანელი.

25-26 ოქტომბერს კავკასიის უნივერსიტეტს ეწვივნენ რედბაუდის  უნივერსიტეტის ასისტენტ პროფესორი, მატის ვან ლეუვენი, ლექტორი მარგრიეტ გუსსი და ადმინისტრაციის თანამშრომლები - მაარტენ კრასი, განათლებისა და კვლევის ოფიცერი და მაია კიკნაძე, სტუდენტთა მიღების ოფისის ხელმძღვანელი.

კავკასიის უნივერსიტეტის სახელმწიფო მართვის სკოლამ საჯარო მმართველობის მაგისტრატურის მეორე კურსის სტუდენტი აფხაზეთის ავტონომიური რესპუბლიკის განათლებისა და კულტურის სამინისტროს მიერ გამოცხადებულ  დიმიტრი (არზაყან) ემუხვარის სახელობის სტიპენდიის კონკურსზე წარადგინა, ხოლო აფხაზეთის ა/რ მთავრობის გადაწყვეტილებით, თეონა მჭედლიშვილს ემუხვარის სახელობის სტიპენდია მიენიჭა. 

Financial Times-მა მსოფლიოს Executive MBA პროგრამების 2017 წლის რეიტინგი გამოაქვეყნა. მონაცემების მიხედვით, გრენობლის მენეჯმენტის სკოლისა (GEM) და კავკასიის ბიზნესის სკოლის (CSB) ერთობლივი MBA პროგრამა მსოფლიოს Executive MBA პროგრამებს შორის 54-ე ადგილს იკავებს. სხვა ქართული უნივერსიტეტების განხორციელებული არცერთი პროგრამა, სამწუხაროდ, Financial Time-ის რეიტინგში ვერ ხვდება.

კავკასიის უნივერსიტეტი აცხადებს აკადემიური პერსონალისთვის 2017 წლის შემოდგომისა და 2018 წლის გაზაფხულის სემესტრში Erasmus + გაცვლით პროგრამაში მონაწილეობისათვის განაცხადების მიღებას.

14 ოქტომბერს, სასტუმრო „მილენიუმ ბილტმორში" კავკასიის უნივერსიტეტის კურსდამთავრებულთათვის დიპლომების გადაცემის ცერემონიალი გაიმართა.

10 ოქტომბერს, ორმხრივი თანამშრომლობის გაცვლითი პროგრამის ფარგლებში, კავკასიის უნივერსიტეტსა და აჯმანის უნივერსიტეტის ბიზნეს სკოლებს შორის ურთიერთთანამშრომლობის მემორანდუმი გაფორმდა.

6 ოქტომბერს „თბილისის 2017 წლის მშვიდობის საერთაშორისო კონფერენცია“ გაიმართა, რომლის მიზანია საქართველოში მშვიდობისა და კონფლიქტის სამეცნიერო დისციპლინის განვითარება და ამ სფეროს ქართველი მეცნიერების ინტეგრაცია მსოფლიო სამეცნიერო სივრცეში.

26 სექტემბერს, კავკასიის უნივერსიტეტმა  სამტრედიაში მცხოვრები ახალგაზრდებისთვის, საქართველოს მეცნიერებისა და განათლების სამინისტროს მიერ ორგანიზებულ "ინოვაციებისა და მეცნიერების ფესტივალის" ფარგლებში,  სამეცნიერო სემინარი ჩაატარა.

20 სექტემბერს, კლუბში "ანდერვილი" კავკასიის უნივერსიტეტმა პირველკურსელთათვის გამართულ წვეულებას უმასპინძლა. ღონისძიება, რომელიც უკვე ტრადიციად იქცა, ყოველ წელს განსხვავებული ფორმატით იმართება.

2017 წელს კავკასიის უნივერსიტეტისა და საქართველოს კულტურისა და ტურისტული რესურსების კვლევის ცენტრის მიერ ისტორიულ ტაო-კლარჯეთში მე-2 საკვლევი ექსპედიცია განხორციელდა. საექსპედიციო ჯგუფმა ათობით ახალ მატერიალურ კულტურის ძეგლს მიაკვლია, მათ შორის რამდენიმე განსაკუთრებით მნიშვნელოვანია.